hai unha provocación que se
pronuncia
animal
baixo a pel dos teus dedos
algo que -descoñecido en momento inicial- percorre e asegura
un camiño de apalpadas adentro
adentro
e adentro todo un corpo pode sonar á materia táctil do desexo
a perigoso asulagamento acuático
a amorear e esparexer pel coas pontas
como quen amasa
unha superficie corporal
en pan de avea ou area de deserto
pervive en dedaleiras e dixitais
un ruido percorredor
que se incrusta baixo as unllas
e que entres
que percorras
que insistas e
que entres
que baleires e
enchas
invirtas
enroles
desanoes
aneles
e
entres
que invadas e
conxures
conquiras
sometas
que anegues e
arrases
que chegues
e
que entres |
BVG
Atrás
Índice de Páxinas
Páxina Seguinte
Ir ao índice de Páxinas