BVG     Atrás    Índice de Páxinas

Antes de procurar vida o corpo —ou esencia— baixou un balbordo de corvos ao feto que eu era e tentoume a camiñar e invocar nunha aparición primeira, unha chegada. Non faría por insistir nunha historia de precariedades e ensalces como fixeron as primeiras (achadas despidas nunha calamidade de árbores e corpos esvaecidos) nin poría o meu nome na boca da luxuria para que maldigan todas as pedras o camiño das sorguiñas onde se procuraba o enlace desexadísimo co Diabo. Por ser parida nas sabas da sorte emporcada de terra a min devastáronme os ollos as visións tomadas por este camiño de armiños que foi o teu embigo —minha senhor— a miña soga onde me ofreceron beberaxe e xuramento. Maldicir desde a primeira auga dos ollos.

© 2006 Biblioteca Virtual Galega