BVG     Atrás    Índice de Páxinas

ROMANCE DO PELIGRIÑO                        A ARTURO CUADRADO VELLO peligriño novo aforca o galo d'Ultreya. Non desfolles vagariño a frol do sangue nas pedras dos románicos sendeiros: áa mar foise Compostela. Ay a Galaxia frolida con áas de choiva marela; píllara azul da saudade, auga de lembranza anterga, neve verde do fiuncho, leite e mel da primaveira. Roseira de negras follas o ledo ronsel d'estrelas. Ehí moura labarada, carbalos de loira testa, fadiños de fol neboeiro e cans de sal e manteiga. Volta vello peligriño pol-os camiños de brétema e canta aos novos hirmáns bordón pingado de léndas, mollados de noite e lúa lavados con sol e poeira, a tenzón amorecida: áa mar foise Compostela.

© 2006 Biblioteca Virtual Galega