BVG Atrás Índice de Páxinas |
Poemas na emigración |
||
A volta do fin |
v3mdiz040.html
Polvo eris,
o barro transformado
auga, a enerxía reluce
é o milagre da vida
que a conduce.
Polvo te reverteris,
a semente xerminando
coa forza da Lúa
é o broto chegando
que sai da terra nua.
Polvo eris,
é o sopro da vida
en todo harmonia
a terra dá e quita
ó modo de sinfonía.
Polvo te reverteris,
o morrer para nacer
é a transformación
o vivir para morrer
é unha evolución.
Polvo eris e te reverteris,
é o fin da camiñada
da misión cumprida
un todo a transformar
da morte para a vida.
© 2006 Biblioteca Virtual Galega |