[p. 5]
SALVEDADE OBRIGADA
|
Denantes de
entrar no tema debo decrarar, con tanta verdá coma homildade, que non
son filólogo nin cultivador da cencia lingüística. Vou falarvos coma
simpre falante do galego, que por vocación e por profesión cultivouno
ao longo de toda unha vida, tenlle a lei que se profesa a aquelo que se
ama, e quere comunicarvos as súas íntimas impresións encol da lingua
amiga, chamar a vosa amabel atención deica ela e si poidera ser e fose
preciso comunicarvos o seu amor e o seu interés por ela. Pouco máis
vou facer que palicar convosco sobor dun tema que a todos énos
familiar.
Dito brevemente: eu non son mestre sabidor, senón
home sentidor da lingua galega. Cecáis por isto mesmo, tanto paradóxica coma
lóxicamente, teña ollado coa meirande atención o seu desenrolo
biolóxico; biolóxico porque da súa eisistencia, da súa vida,
trátase en fin de contas.
E feita ista sinceira confesión, veñamos ao asunto.
|