BVG Atrás Índice de Páxinas |
Versos primos |
||
Páxina 23 |
Epílogo
VERSOS PRIMOS
LEMBRANZA DE GANDHI
I
O vento tanxe o diapasón
do tempo,
un atónito sol
alumea as frangullas penduradasdos ramallos das almas
que esqueceran a flor,
un paxaro inefable, solemne,escaravella
e bate cun bater de bolboretasnos húmidos e febles
cristais do corazón,
cando arrinca o Mahatma
o retrouso sagrado do seu nomee, sacramentalmente,
con sacra veste branca,
a Paz pregoa Universal e Sacra
II
Do lume a labarada
o derradeiro manto
ue un intre floreceu no corpo seco
- milagre tantas veces naufragado
na tempestade arcana
que azouta a idea e tolle o pensamento -trocou - lirios e pombas - en borralla.
Ese teu monumento
tallado en humildade tantos anos¿foi algo máis ca vento
nunha noite de vran cálida?¿Acasofoi efémera falla
que entre chispas e estralos
a atención dominou na media noitepra todo se acabar chegada a alba?
¿Fuches verme de luz na noite escuraque non se sabe ben pra que alumea?
¿Ou apócrifa lúa
- dondiego e mais camelia
do púcaro celeste -
que aos máis de nós soamente
que é noite, noite, noite nos relembra?
III
Eu quixera pensar que non morriches;
tal vez a túa cinza,esparexida
polos catro elementos,fai medrar cada día
un pétalo de luz que leva o vento
a pousar quedamente
nun novo pensamento. ¡Quen puideraencher con tales pétalos a terra!
¡Quen puidera botarte de semente
nos míseros buracos
que, en milleiros, facemos deste mundoo mundo dos ananos!
© 2006 Biblioteca Virtual Galega |