| 1 |
A vida e as
palabras comezaron nunha illa alapada entre dous ríos.
Ao brado incomprensíbel, inda que non por iso menos
vingativo, do primeiro simio, precedeulle a ollada
tumefacta do batraquio. A esta, o abalar caviloso do
peixe na fronteira de dúas augas. Dantes apareceran as
areas xeradas por un po insospeitado e algúns pares de
ollos amedoñados no interior de covas tentaban coñecer
a causa dos silencios exteriores e, sen embargo, o
latexar da escuridade infinda. Creron que con debuxos
dubidosos, deseñados nos teitos inaccesíbeis, húmidos,
ían esconxurar a escuridade, as tebras, a noite á que
voltamos. |
BVG
Atrás
Índice de Páxinas
Páxina Seguinte
Ir ao índice de Páxinas