11 |
Na palabra
procuraba o poeta a esencia da Palabra. Só, embora, un
texto bíblico xurdía na súa presenza reiteradamente: que
a túa man direita descoñeza o que executa a esquerda.
Non obstante, dende o inicio do Tempo, man e cerebro
foron unha compacidade: pensamento unitario e acción
coordenada: que non sospeite o teu cerebro esquerdo o
que argalla o dereito, escribiu o poeta. Man e
cerebro: causa, consecuencia, alicerce, secuela. No
principio era o Verbo, e o Verbo era insurxente e
fomentaba (o Verbo) a rebelión: un texto destrutor,
erodente, depredador, maligno: a esencia da Palabra:
devastación, reconstrución, fractura. |