Visualizar obra

Corazón bolchevique, lingua solta,
príncipe desterrado no deserto,
tampouco tu se nada é certo es certo,
nin existe memoria da revolta.

Mil homes libres son a túa escolta,
mil homes sabios coma un libro aberto,
mil corazóns que manca o desconcerto
de quen sabe que a historia non ten volta.

Príncipe destronado, se da illa
na noite desta vida tan escura
non chega un berro unánime e proscrito,

¡maldita sexa toda marabilla,
maldito sexa Marx na sepultura,
todo santo varón sexa maldito!

As cidades mergulladas (Poesía reunida 1973-2002)
Páxina Anterior	Sonetosfera. Escolma	Páxina Seguinte

As cidades mergulladas (Poesía reunida 1973-2002)