BVG Atrás Índice de Páxinas |
As cidades mergulladas (Poesía reunida 1973-2002) |
||
Permiso para o corso. Escolma |
Pagina nueva 1
O poeta é un mineiro, e baixo terra,
baixo a codia retorta e torturada
da palabra, na entrana perforada,
busca o tesouro que o rochedo encerra.
Un tesouro que chora, e canta, e berra,
ave non morta, pero si enterrada,
ata que a resucita cunha eixada,
cun verso, cunha pá que o desenterra.
O poeta é un zahorí que busca a veta
de auga tras mil anos de secura,
atento ó máis oculto e máis profundo.
Un poceiro que fura é o poeta,
cavando sen acougo a pena dura,
ata que xorde a auga e inunda o mundo.
© 2006 Biblioteca Virtual Galega |