BVG     Atrás    Índice de Páxinas

Un ángulo de luz nas ruínas, como oblicua ollada de escenario revela o espanto da imaxe. No alá da dimensión precisada agárdame, onde se confunde a tebra e a mañá, onde encetaron a cópula a lúa e o leopardo, esparexendo un tempo de asombros e mudanzas. Só unha cantiga abonda. Unha lingua de discursos tristes, tecedeira de mares, aproxima os silencios. E vou, na espiral do tempo transcurrido, deixando pegadas de sopor no andado.

© 2006 Biblioteca Virtual Galega