BVG Atrás Índice de Páxinas |
Versos primos |
||
Páxina 14 |
Epílogo
VERSOS PRIMOS
GANDARÍO
Quero ser, cando medre, Gandarío,
esa aglomeración de converxencias
onde un orballo fértil de inquedanzasfrutifica as ideas.
Quero ser Gandarío,
onde son as pegadas dos camiñosxuventude crisálida.
Quero sentirme dono da palabra,do cicel e da aixada
que crean Gandarío cada día
e camiñar lizgairo sobre as augasdos encoros da vida.
En Gandarío, os máxicos solporesque o serán asolagan de colores,
á parte de poetas,
son, adoito, semente de alboradas.
En Gandarío o aire
ten por átomos pompas de alegríaque estrelecen con luces de utopía
a música da atmósfera.
En Gandarío mora
(¡Gandarío-crisol!) un corazónfilosofal e druida.
Un pode, en Gandarío, ser artistasen ter outra bagaxe que unha ollada
profunda e altruísta.
Un pode, simplemente,
chegar doutra galaxia e ser irmánirreversiblemente,
ou, tal vez, atopar
o leito, que buscaba, do seu río.
Un pode ser feliz en Gandarío.
Xuño 99
© 2006 Biblioteca Virtual Galega |