BVG Atrás Índice de Páxinas |
Versos primos |
||
Páxina 5 |
Epílogo
COMPAÑEIRA
FOI EN GONDOMAR
Alí tiña que ser, en Gondomar,
onde o aire era aurora cromática e radiante,exultante burbulla de colores,
alegre pompa de policromía;tivo que ser alí, en Gondomar,
rúas de pedra queda,
onde a calma andaba ceibe pola vidaseñoreando paseniñamente
cada alegre canción, cada palabra,cada raio de luz de cada estrela,
de cada sol, de cada pensamento.
Tiña, tiña que ser en Gondomar,rúas de calma pétrea,
onde as pedras se viraban bolboretascando as mirabas ti;
tivo que ser alí
no Gondomar aquel entusiasmado e xovehabitado de pedrasbolboreta,
onde aquela estreliña luarenga
derretía pingueiras
de luz de Gondomar nos nosos ollos,dianas de arrebol;
alí, no Gondomar de calmas casas,rúas de bolboretas empedradas,
onde a pequena fonte
esparexía chorros de vida cantareirasobre o noso rebumbio de silencios.
Tiña que ser na vila de casas exultantes,
de calmas de arrebol, onde os salgueiros
cantaruxaban solermeiramente
anainas de colores pra arrolaren
a nosa algarabía silandeira.
Alí tiña que ser,
nese xove arrebol de bolboretas calmase policromía luarenga
ocupado por ti;
en Gondomar, en fin.
E foi alí
onde o mundo se fixo primavera.
© 2006 Biblioteca Virtual Galega |