[p. 136]
Caitano e Panchiña simpatizaron logo.
Tiñan as mesmas aficiós e igoal modo de
pensar.
Entrambos eran artistas, e sentian a poesía da
música e da pintura, e das delicias da natureza.
Un corazón que sinte a poesía preside sempre
un alma namorada dos bos sentimentos, é n'él a pasión amorosa máis
viva, máis ideal e máis permanente que nos espritus que poden elevarse
menos sobre da materia, ou que non poden entender máis que de cousas
materiás.
Por eso Panchiña conoceu en Caitano un home
muy distinto de Martiño, un home que enchía mais á sua ilusión, que
lle producía praceres novos que desconocera nos outros amores.
Martiño conseguira namorala porqu'era listo,
era atento, fino, con esmerada finura, e parecía qu'estaba sempre
pronto a os seus deseyos: estaba satisfeita d'el.
Era ademáis goapo y alegante e halagaba a sua
vanidá.
Pró Martiño non tiña a gracia espontánea de
Caitano.
Este era, si se quer, más descoidado qu'aquel,
[p. 137]
menos ceremonioso, moitas veces distraído, hastra o punto de que non-o
conocendo podería parecer desatento ou mal criado; anque vestia ben non
s'esperriquitaba tanto como Martiño y-a pesar d'esto gustáballe máis
a Panchiña o seu trato, pol-o natural, porque nos seus ollos via un
amor, un algo qu'a feitizaba; porque todo canto facía Caitano tiña
pr'ela atractivo e chocáballe moito por coincidir co qu'ela sentia e co
qu'a ela ll'agradaba.
Caitano non tardou en namorala y-en facerlle
borrar do pensamento á lembranza de Martiño, anque durante moito tempo
se lle revolvía a sangue no corpo de cada vez qu'o via.
Por este motivo anque moitas veces foi Sabela
á visitala, non logrou que lle perguntase por seu hirmau, como de cote
o facia antes de tronar co-él, nin quixo escoitala, unha vez que lle
quixo facer ver que Martiño s'arrepentira e qu'estaba namorado d'ela.
Non é porque sea meu hirmau, lle dixo, pró
eu de min á tí volvía a querelo.
Si queres que seamos amigos non me volvas á
falar de teu hirmau. Alá que s'adivirta con que lle pareza. Pra min xa
cucou pra sempre.
En vista de esto Sabela aconsellou á seu
hirmau que fixese o amor á outra siñorita, á ver si dándolle celos
abrandaba Panchiña.
Sabela pretendía duas cousas con este consello
que seu hirmau c'un cravo sacase outro cravo e deixase de penar por Panchiña e qu'ó millor non se dera con Caitano, porque decatarase
qu'estaba en relaciós co-a amiga.
A o pai de Panchiña gustáralle tanto Caitano
desd'a conversa que tiveron aquela tarde en cas
[p. 138]
de Sabela, que cando se decatou de que lle facia o amor á filla púxose
ledo.
A o pouco tempo notou que Caitano ll'andaba
facendo as veiras pr'entrar na casa e falou do caso co-a filla.
Parez que me quer moito, dixo Panchiña
colorada com'a grana, e ten mentres de casarse comigo pol-o qu'il di.
Si, ten trazas d'home de ben e seica é moi
listo.
Uy! E fino como lá de gato. Ter ten moito
saber, y-acaba a carreira drento de dous meses.
A min inda non me dixo nada craro.
E que non s'estreve, pró xa llo dirá.
Asi foi. A o outro dia dempois de parrafear con
Panchiña, estreveuse Caitano á ir á pedirlla ô pai, e dend'aquela
entrou na casa todol-os dias.
Non tardou moito tempo Caitano en fixarse n'un
rapaz que sempre que pasaba miraba pras ventanas de Panchiña e
cadroulle velo máis d'unha vez por tras dos vidros.
Cando salia con Panchiña de paseo tamen se
porcatou de que lle facia a rosca do galo.
¿Quén é ese? lle dixo Caitano.
E un que foi novio meu e inda non perdeu os
celos, pró non teñas coidado que anda facendo o burro e perde o
tempo.
¿E il que é?
Chámase Martiño López; hai xa cinco ou seis
anos que estudia pra médeco; prò é un calavera que gana moitos cartos
no xogo, según din, e tivo a pouca vergonza d'estar vivindo c'unha
amiga cando tiña relaciós comigo.
¡Ora o demo dorme! ¿Pró á tí queríate?
Penso que sí. Pró a él figurouselle qu'en
Madrid non se saben as cousas, e anque a levou á
[p. 139]
vivir bastante lonxe d'a miña casa, saliull'a porca mal capada, porque
non faltou un paxariño que mo viñese á contar.
Serán contos,
¡Era boa! Eu mesma ó vin co-ela na mesma
casa dend'a unha amiga que vivia enfrente. Asi é qu'agora anqu'il
m'anda facendo as veces, y-anque unha hirmá que ten, amiga miña, me di
qu'agora se fixo un santo e porfiou os sete porfiares, pra qu'o volvese
á querer, dende que te quero à tí parez que non-o podo ver diante.
Pois eu farei que largue, e penso insinarlle
logo que lle ten conto deixarnos en paz.
Non te metas co-il porque é un espadachin.
Teño moitas veces oido que manexa moi ben as armas.
Pois eu nunca adeprendin á manexar outra arma
qu'os puños, e poida que m'abonden.
Mira deixao: porque sin meterte co-il, logo
nos ha de deixar, pois xa din que lle fai ó amor á filla d'un
comendante e qu'entra na casa e todo,
¿Pró entón porqué te mira e te busca?
Velahí tes. Porqu'hai moitos que n'acaban de
caer do burro embaixo y ese é un. Pró ti non t'acordes d'il pra nada
pois abonda ben con qu'eu non lle faga caso ningún, pra qu'il se canse e
vaya pr'onde deb'ir.
Pois ben lle pintará o non volver, que si
vexo que m'enche moito os fociños doull'un escarmento.
Pidoche por Dios, Caitano, que non te metas
co-il, porque cando s'incomoda parece un arroutado, porqu'é moi
nervoso. Si lle falas por ben, poida que ganes máis, porque cando non
está enfadado é un bon rapaz.
[p. 140]
Ben, esa é conta miña, falemos d'outra
cousa.
Temo que me vas á dar un disgusto.
Non teñas medo.
¿De certo?
Non.
Xa o veremos logo.
E siguiron falando de cando seria millor tempo
pra casarse, pois Caitano xa lle esquirbira a seus pais, e por parte do
asturiano xa non habia incomeniente. |