[p.234]
A lua de mel de Caitano e Pancha foi mais corta
do que pensaban.
Dempois de correr por toda Galicia chegaron por
fin á Xixón no mes d'Agosto, qu'é cando este porto de mar goza de
todol-os esprendeores, pol-a moita xente forasteira qu'ali acode á
buscar salú y-a divertirse n'aquelas prayas.
N'este mes, é Xixón un pobo cheo de
movemento, onde non se perdona medio pra qu'o forasteiro se divirta e
pra que lle queden ganas de volver.
Poida que por esto, o noso vello tivese que
facer varios escesos pr'acompañar ôs fillos n'as suas festas, ou por
outra causa, o conto é qu'aquel vrau, poucos días antes do que tiñan
disposto pra virse a Madrid, pegoulle unha pulmonía qu'o papou n'unha
semana.
Este duro golpe amargou de mala maneira a
felicidá dos novos casados.
Caitano arregrou os asuntos de Xixón e veus'a
vivir á Lugo co-a sua familia.
Aqui tiveron un fillo aquen lle puxeron Estevo,
qu'era o encanto da casa y-a espranza de seus pais, pro dende que nacen
nunca a mai gastou salú.
Caitano tratou de qu'o colocaran en Madrid,
por mor d'estar cerca dos bós médicos especialistas bastante tempo,
pra que lle poidesen curar a muller.
Pró non valeron de nada os recursos de cencía
pois Pancha empezou á perdel'o apetito y-as forcias y-entrou unha
anemia tal n'ela, que facia perdidas as operaciós y-as curas qu'había que facerlle, por non atopar medio de facer reaucionar aquela
natureza cada vez máis espolitada.
Unha tarde, cerca do noitecido, fixo sentar á
Caitano ond'ela, deixou caer a cabeza tristemente sobre do hombro d'él,
arrodeoull'a espalda c'un brazo, pasando a mau pol-o outro
hombro, e dixolle con aquela voz doorida e angustiada propia do moito
mal.
Caitano, eu morro, non te fagas ilusiós,
conozo que non teño cura.
Non morres muller, non. Penso qu'esas
duchas hanche facer ben, parece que xa comiche hoxe algo máis.
Non ch'hay duchas que vallan, os
médecos non acertan co meu mal. Desque aquí vin, sempre fun á menos,
e á miña vida é moi corta. Quero facer testamento.
Caitano tratou d'alegrala con mimos e con
gasalleiras espranzas, pró ela mirando pr'él, ô velo ledo a o
parecer, por alegrala â ela, respondeu â todas aquelas festas con
acento cheo d'amargura.
Ai meu Caitaniño, non é ó mesmo morrer
como ver morrer.
En seguida empezan á decirlle ô home como
queria que a vistise dempois de morta e inda algunhas cousas do enterro.
Non t'acordes d'eso muller, tí eres
quen t'estás matando con esos cavilamentos.
[p.235]
Mira Caitano, non sinto morrer por nada d'este mundo máis que
pol'o meu filliño. ¡Miña almiña! ¡Non sei
quen ó coidará dempois qu'eu lle falte!
Muller s'esa desgracia pasase, non
faltaría quen coidase d'Estebo millor que da miña persoa.
Dim'a verdá Caitano. ¿Volvich'a saber d'aquela novia que tiveras de solteiro?
Volvin.
¿Ond'está?
Aqui en Madrid, sirvindo na casa de don
Luciano.
Quero que ma trayas aquí, pois deseyo
falar co ela.
¿Pró ti que pretendes?, perguntoulle
Caitano cheo d'estrañeza.
Xa ó saberás ó seu tempo. Quixera que
non deixaras de cumprirme este deseyo.
Caitano calou e saliu do carto cheo de
confusión e de dudas. ¿Qué se proporia a sua muller mandand'a buscar
á Berta, que sabía fora sua novia? O caso era tan extraño, que por
moitas voltas que lle deu non acabou d'entendelo e determinouse á
mandar calar á Berta.
Moito extrañou á Berta recibir un recado de
Caitano pra que fose á sua casa canto antes, e aumentaba a sua
extrañeza recibil-o recado pol'o propio D. Luciano.
Asi é qu'a tarde, en canto acabou co trafego
da casa, amañouse e dispúxose á ir ver que lle querían.
Mandara Caitano qu'en canto chegase lla
persentaran, y-asi foi.
¿E logo que me quer? Perguntoulle Berta.
Eu nada, pró a miña muller desea
falarche e mandou en busca tua. Eu non sei que che quere
[p.237]
que non mo dixo; pró quero adivirtirche antes de qu'a vexas, qu'esta
moi mala, que ten moi poucos dias de vida e que non debes dicirlle
ningunha cousa que poida darlle pena.
Vaites, xa entendo. Vosté ó que quere
é que non lle descubra a outra conta.
Eso é ó mesmo, porque xa ó sabe.
¿E quen llo dixo?
Eu mesmo, xa antes de casarse.
Berta quedouse parva.
Xa non sabía logo ó que lle poderia querer
aquela siñora con tanta presa, e medio aturdida por unha gran marexada
de cavilaciós dixo:
Pois sallamos pronto do paso, quero ver
que me quere.
En canto Berta estivo diante de Pancha, èsta
mandou abrir as ventanas e fixoa sentar n'unha silla preto de si.
Pancha estaba sentada n'un diván, moi pálida
e desencaixada, porqu'o mal fóralle comendo de tal maneira as polpas,
que xa non lle quedaba máis qu'a figura de cristiano.
Berta sintiu unha grande lástima vela.
Caitano comprendeu moi pronto qu'a sua muller
quería quedar sola con Berta, e largouse arrichuindo a porta.
Logo que quedaron entrambas solas, sacou Pancha
a sua sequiña mau de debaixo dos panos con que s'atapaba, e collendo
co-ela a de Berta díxolle cravando n'ela os ollos preñados de bagoas:
Chameite, Berta, pra percurar o teu ben,
pró quero que en todo canto me respondas me digal-a verdá e me fales
de corazón.
Vosté dirá, siñora.
Xa sabes qu'estou âs portas da morte, e
que
[p.238]
moi pronto m'ha de xuzgar Dios, e vou á facer un testamento contigo.
¡Comigo, siñora!, repuxo Berta chea de
sorpresa ante aquela salida que non esperaba e que a fixo cavilar s'estaría boa da cabeza.
Contigo. Ben sei que fuche novia do meu
home ¿vivech'a filla que tiveche?
Berta escomenzou á tremar. Aquela pergunta
estraña levou á sua y-alma unha porción de tristes lembranzas, qu'a
pesar do tempo, sempre a conmovían, porqu'iban á firir percisamente
donde as mágoas estaban máis dooridas; porque tocaban as cordas,
sempre enfermas, do corazón da mai burlada; porque enfocaban todas a un
feito qu'ela consideraba como o punto céntrico, de donde partiran y-o
rededor do que xiraban todal-as disgracias da sua vida.
Por eso Berta quedou co-a cabeza baixa, cos
ollos fixos no aire pra non ver nada mais qu'as imaxes que cruzaban
pol-a sua memoria, qu'hasta lle suspenderon a respiración por algús
segundos, absorta e sugestionada por elas.
¿Non respondes nada?
Berta dempois de botar un suspiro moi fondo,
dixo, ceibando un par de grosas bagoas, que correron pol-as meixelas
abaixo.
¡Probe filliña miña! ¡Dios sabe que
será d'ela! Nunca puiden máis saber s'é morta ou viva, desque ma
arroubaron.
Entón a curiosidá de Pancha obrigou á contar
á Berta todo ó que lle pasara con seu hirmau e con sua cuñada.
¿Teria Caitano algo que ver n'eso?
Non-a creo, siñora. D. Caitano ten moi
bon corazón e portouse comigo sempre ben, hastra que se namorou de
vosté. Non receo nada d'él.
[p.239]
Pol-a contra cavilo que tivo a culpa toda, a
cubiza de miña cuñada, por me chupar os cartos que me dera Caitano.
¿De modo que non che queda espranza d'atopala?
Leva un papel escrito co nôme que lle
puxeron. Fun un día a perguntar por ela â incrusa, e dixéronme que co
as señas que daba habia alí unha nena, pro non ma quixeron dar, nin
amosar siquera.
Xa lle direi á Caitano que faga as veces
pra saber d'ela e que cha entregue s'é que vive. O que eu quero é,
que si morro, t'encargues ti de coidar y educar o meu filliño como si
foras sua mai.
¿Eu siñora?
Ti mesma. Dempois, si Caitano se quer casar
contigo que se case, porque xa te conoceu e te quixo antes qu'a min,
pró con outra muller sintiría que chegase á casarse.
Vosté soña. Nin vosté morre tan logo
como pensa, nin anque morrera se casaría D. Caitano comigo agora, xa
que non-o fixo antes.
Co-a forcia do mal deulle esvaido á Pancha,
que parecia como si se quixera quedar n'el, e Berta foi correndo á
chamar á Caitano qu'ó atopou escoitando tras da porta.
Entraron entrambos correndo xunto da enferma
que xa abrira os ollos e tiña toda a cara cuberta de sudor.
Mirou pra Caitano, que máis morto que vivo lle
perguntaba como s'atopaba, e díxolle:
Inda non é pr'agora, pró non tardará.
Quixera que trouxeras á Berta dende mañá mesmo, si pode ser, pra
coidar d'Estebo. En canto eu morra deseo que si te casas, non-o fagas
con outra muller mais que con esta.
Ven; que veña cando podia, repuxo
Caitano, pró eu casarme, non me volvo casar na miña vida.
Pois eu, dixo Berta, tamen lle pormeto vivir
como unha santa, porque malia a gana que tamén teño de casarme, e no
tocantes á Estebiño, será pra min sempre com-un fillo.
Parece que se me quitou un peso do
corazón y-agora morro máis contenta. Ídevos agora e deixádeme sola,
que vou á ver si podo dormir un pouquiño.
Arrechuiron as contras e saliron amodiño do
carto, entrambos churumicando.
Xa fora díxolle Berta:
Siñorito Caitano; eu non-o quero
engañar, e xa llo poño por diante. Virei pr'aqui dende mañá mesmo,
pró nunca se volva acordar de que fumos novios, porque o pirmeiro día
de que lle vexa á vosté namais que inteciós de compormeterme deixoo
prantado.
Ven sin coidado Berta, porque eu ch'aseguro que nin me volverei á casar mentras me viva este fillo, nin
terás de min nunca queixa pol-o motivo que dis.
A o outro día, Berta deixaba a casa de don
Luciano con gran sorpresa e pena de todos, pra entrar á cumprir a
voluntá de Pancha. |