BVG     Atrás    Índice de Páxinas

tanto desexa a cidade amar a lúa chea que para ela garda do verán as paisaxes serenas, as palabras de brisa que ondean nos vestidos de fío, e estira as puntas das antenas e o faro da torre do reloxo e é por iso, que dende alá abaixo, manda fogos de artificio contra as estrelas. envexosa. porque sabe que mil veces mil o teu nome borda a noite de bicos dourados. e no lugar onde a lúa máis engorda, tan grande que case tocas a barriga coas xemas, detense o firmamento. só para os amantes. e mil veces mil, sobre almáciga dos días de magnolia, o teu nome e entre os teus brazos, aquí no ceo, coma en berlín.

© 2006 Biblioteca Virtual Galega