BVG     Atrás    Índice de Páxinas

Todol-os peródicos d'a Habana, menos un que se chama gallego, pro que non o é por razós que me gabo de calar auqu'as teño metidas n-as alforxas pra cando s'ofreza sacal-as ô sol, saüdaron o nacimento d' A Gaita con tenros agasallos.

Dedicounos unhos versos Desd' O Xeneral Tacón, Durante, rapaz enxebre, Español de curazón, Poëta d'os inspirados E muy valente escritor. Tamen o ledo Gabiño Desd'as colunas d'a Voz ' A nosa Gaita Gallega Feiticeiro saüdóu. Siguenlle logo O Diario D'a Marina. Mais despois, E decir, logo mais tarde, Un semanario d'os bos, Por Heraldo conocido E d' Asturias defensor; O Eco d'o Señor Insua, O Pais, O Español, A Lealtá de Cienfuegos D'o Guaso a labrega Voz, A Familia de Matanzas, De Güines a leda Unión: Y-en fin os colégas todos Que se pubrican acó, Menos o gallego ese Que dis naceu en Ferrol E que non ten pol-o visto Anaco d'as condiciós Que teñen os bos gallegos: Cortesia e ledo amor O idioma d'o Rey Sabio E Rodriguez d'o Padron.                ÷

Ese mismo peródico gallego (sic), que non nomo por non pringar o fol d'a nosa Gaita y-a quen desd'hoxe retiramol-o canxe, di n-o seu últemo número que Puebla de Sanabria pertenece â provinza de Lugo, sendo que corresponde â rexion d'as Castelas (Zamora); que Viana é partido xudicial d'os d'a Cruña, sendo d'Ourense; que Villalba tamén é d'a Cruña, sendo de Lugo; e que Pontecaldelas corresponde igualmente â mesma provinza d'a Torre d'Hércules, pertenecendo a Pontevedra

Vayas'a escola Don barrufeiro Que lle fai falla Pasar un tempo Cousas gallegas Adeprendendo. Vavas'a escola, Vayase preso, Vayas'axiña, Vayase ledo, Pois eu Ile xuro Diante d'un leño, Qu'usté non sabe, (Y-aposto un peso) De geografia Nin un pimento.             ÷

Fai unhos poucos dias que s'atopa entre nos un enxebre gallego, Pepe Bouchet, pintor d'os de primeira, discípulo agasallado do Banes e que fixo os seus estudeos n-a escola de pintura qu'hai en Roma.      Foi aló pensionado pol-o goberno d'a Repúbrica Arxentina, é decir, alcanzou d'o goberno d'a Prata o que quizais n'alcanzara d'as Diputaciós provinciás de Galicia.      Pepe Bouchet, distínguese, sobre todo, n-os retratos ô oleo sacados d'o natural. Boa ocasion pra que se faga como Dios manda o busto d'o señor Ruibal qu'o Centro Gallego dispuxo colocar n-o albergue d'a sociedade.

Debe facer tal traballo O pintor Pepe Bouchet, Qu'é un pintor que non ten hoxe Quen Ile poña diante o pé N'ista terra d'o azucre D'o tabaco e d'o café. ¿Oyeume señor Riveiro? ¿Oyeume? Pois abofé Que si m'oye, Ile regalo Anque non queira vosté, Un fungueiro de sanguiño Catorce cuncas de mel, Un chaleque acotonado Y-unhos percebes que ten Aló n-a fonda Suiza, Un rapaz para vender. ¡Ay quen-os vira, carafios! ¡Ay quen-os vira! Canté.               ÷

Algus caixistas d'esta insua estanlle roubando á Sarmento, o de Bos Aires, unha d'as suas especiás manías; a de reformar os idiomas.      N-os cartés que se fixaron n-as esquinas d'as ruas d'a Habana anunciando a función de Santiago, puxeron pol-a sua conta, muñeira, en vez de MUIÑEIRA.

Que s'escribe muiñeira    Probou Ruibal Unha vez que fixeron    Burrada igual.    Non se repita Por amor ô idioma    De Maria Pita.              ÷

Sin decir de dond'os sacan, algus colégas d'os adrentos d'a insua, pubrican artículos e poesias que foron insertos n-o Eco d'o Sr. Insua, algunhos, mediant'os ochavos.      Tamen n outras partes socede o mesmo. Qu'o digan sinon os siguentes escritos; Maria Castaña, Santuario d'os Desamparados en Abades, Meus apuntes: Vigo, María Pita etc, etc.

De modo e mais de maneira Que teñen unha tixeira       D'as de fror; De modo e mais de maneira Que teñen mais tragadoira Qu' un buzón.             ÷

N-o primeiro númaro d'a Galicia, churrusqueiro peródico de Ferrol , veu a luz o pequeno artículo inserto n'outro lugar e que leva por título Rousalìa Castro de Murguía.

A nosa Gaita Conforme está Con tal traballo Escrito alá N·o pobo enxebre D'o arsenal, D'a rica eirexa De San Xulian E mais d'o dique Fenomenal A donde levan Para limpar Os barcos todos D'a escuadra real.             ÷

N-os istantes en qu'escribo, de presa e correndo, os Casos e cousas, andará de zeca pra meca, pol as ruas d'a Vila d'Ortigueira, repinicando a gaita, meu tocayo Chumin o gaiteiro de Vale.

É qu'aqueles bos labregos Mui gallegos, Festexan a Santa Marta Patrona milagrosiña D'a Viliña Conocida pol a farta.                —      Eu non poido e deseara Irme para Dond'a Santa se festexa. Teño soïdá por vel-a Pois por ela Sempr'o curazón latexa.                —                Pol o confin                D'a verde Erin                A morte o fin                Verá                                       Chumín

[A Gaita Gallega, 2-VIII-1885]

© 2006 Biblioteca Virtual Galega