BVG     Atrás    Índice de Páxinas

[p. 66]          Os ais d'un escravo (1) Ô meu amigo D. Enrique López Vidal       Cando se royerán miñas cadeyas             de loura scravitude, de tantas vágoas e sospiros cheyas qu'así roendo van miña saúde, n'as longas horas d'esperanza alleyas?    ¿Qué adiant'eu con erguer meu pensamento             ô scano do infinito? ¿De qué me val ser home e non xumento e darlle en oración a Dios meu grito s'El non responde â voz do meu tromento? _____ (1) O corazón do poeta, vivindo de cote en doce paz e mansedume rompeu agora n'unha labarada de fogo, e pon na boca d'un scravo istes ais adoecidos e verbas de desespero, que La Iglesia estaba lexos de sintir. A sorte d'os seus fillos, que n'aquela terra cubana pelexaban, foi a qu'arrincou istes pensamentos. S'il se decatase que soarían mal en ouvidos católicos, nunca os escribira. (Nota do coleucionador.)   [p. 67]    Penso, sinto, descurro, o tempo mido,             miñas aucios aregro siguind'a luz do ben; amo seguido; pro... irado caporal chámame ¡negro! e gózas'en ollarme escarnecido.    De cote apouvigar os meus deseyos             conseg'a mau d'un branco, que vist'o corpo meu con baqueteyos: xamais o sentir meu debe ser franco, s'ha de fuxir os ¡ais! de tantos freyos.    En van o ledo sol da Pirmaveira             dourand'os maniguaes, o vando dos paxáros lisonxeira, vên a fartar d'amor; a mín fataes faíscas ven xuntarme na moleira.    Eu non debo vivir do brando alento,             d'aquel afeuto santo do que peito ningún quedou esento: pedra teño que ser diant'ese encanto que rexe dend'a frol ô pensamento!... [p. 68]    ¿Pol-a preteira cor qu'en mín Natura             revasou da medida, non podo ser xa libre criatura?... ¿Hastra cando, cubiza adoecida, me has de dar a beber dest'amargura?...    ¡Maldizón! ¡maldizón! Iniquidade,             ¿quén teu folgo alimenta? ¿En qué fundar se pode a autoridade qu'os cimentos do bén di que sustenta, e coida timón ser da humanidade?...    ¡Desaforo brutal, abusamento             d'autoridá furtada, ¿Qué fas do teu cantado igualamento que a Cruz sobr'o Calvario ensanguentada deu, c'o sprito de Dios, ô entendimento?...    ¡Ouh espirto de raza esprotadora,             entrañas de serpente, s'eres sensibre aind'a voz da honore, ergu'un tempro â razón, pensa e detente, qu'ese inxempro que dás chama o terrore; [p. 69]    España liberal, ergue o estandarte             da redención do scravo; que os sigros gozarán en alaudarte do teu rexo poder sin menoscabo: da dinidade humán ¡sé tí baluarte!

© 2006 Biblioteca Virtual Galega