[p. 87]
Ven lume dos meus ollos,
luceiro d'esperanza,
da miña venturanza
n'o adormecido imán!
C'ás tuas crenchas d'ouro,
c'o teu mirar fulxente,
farás abril'o Ourente,
refrorecel o chán.
Ven amainar dolzosa
c'o teu froril alento
meu tolo pensamento,
meu triste corazón;
pois sabes n'onduleya
n'a fronda ramacía
pra mín outra armonía
qu'o teu molíño són.
[p. 88]
D'o campo da luciña
que dán teus ollos puros
alónxans 'os conxuros
da loura impuridá;
e brotan mil imaxes
d'anxélica risura,
mostrand'a fror, figura
d'a tua castidá.
Acércam'esa testa
de maxestade asento,
cruxol do pensamento
mais cándido e sutíl:
teus ollos amantiños
que rindo atornasolas,
soltando mais raxolas
qu'estrela diamantíl.
¡Ven! ¡Ven! Xuntos cantemos
n'a farpa d'os amantes
mais tenros e costantes,
formand'un solo ser.
¡Ven! ¡Ven! Sobre este castro
[p. 89]
de mirta e d'hedras cheo
xuremos pol-o ceo
¡Amor hastra morrer!
Así chamaba,
pé de Chacín,
por doña Branca
bardo xentíl,
cando zoando
dardo traidor,
fechou os ollos
d'o trovador.
Julio 1883.
|