[p. 13]
(N'unha
noite de xaneiro)
¡Moito
te quero,
cara de demo!...
Eu a tí non,
cara de ladrón!
(Recrebo garimoso popular.) |
(Ela por dentro, él por fora.)
¡Tuntún!
¿Quén é?... ¡Non hai naide!
¡Todos van na percesión!
¡Abra que choven cantazos...
Pois cóchate cos calzós;
anque os croques na moleira
dis que fan pensar millor!
¡Miña sogra!...
¿Qué meu xenro?
¿Non oi que chove a Dios dar?
[p. 14]
Pois meu xenriño, anda a presa
e aprovéitate o luar.
(¡Do deño si aquí n'afogo!)
¿E vosté ten corazón?...
¡Home! e tí que m'o roeches
non sabes si o teño ou non?...
¡Pro almiña sei qu'a ten...!
Si hei de quitar de tí raxas
boa falta me fai tamén.
E diga: ¿dos seus cartiños
non pode emprestarme algún?
Xa sei, xa; dos do meu corpo...
¡ben te agarraras con un!
¡Xesus! ¡Canto se aquivoca!
¿e por qué me xulga así?...
¡Coitadiño! e quen diaños
ha de pensar mal de tí?
¡Abrame, pois!
¡Quen poidese!
Mesmo por vela toleo...
Pois eu véndote rabeo...
(¡Qu'esa breva non caese!)
¿Conque verme? vaya logo!
[p. 15]
Pois pra me ver o refaixo
bota os ollos por debaixo
da porta, meu rulo.
(¡Fogo!).
¡Pelos a Ia mar, siñora!
que veño a darlle un biquiño.
Na punta d'este fouciño
podíasmo dar agora...
E mais véñole a insiñar
contra o estéreco unha guía.
¿A que ch'o insiñou o Zucio?
¡Que non diga a filla vosa
qu'eu de verdá non'a quero!
Qu'o teu querer non ten pero
xa cho sabe o lugar todo.
¿N'é verdá?
¡Sí! meu xenriño,
eres un home de ben.
(¡Cómate un lobo!)
E vostede,
(¡Ah lurpia!) coma ninguén.
¿E logo non abre?
E
cedo.
[p. 16]
Destoncias hastra
manán.
S'algo se ch'ofrece, manda.
¿O cura ou o sacristán?
¡Ai canté! ¡Eles t'acochen!
¡N'adoecerás!
¡Larpán!
1888.
|