BVG     Atrás    Índice de Páxinas

[p. 21]    Suando fel... con ollos remexentes, corvand'as unllas e fechand'os dentes, ¡Ahí vái, ahí vai o monstro desalmado,            sempre ollando pro lado; sedorento de ver correl'as bágoas deseyando pr'alguén perdas e mágoas!    Fuxe, cóbrega ruín, madre dos celos, vait'â coba, treboal dos teus desvelos, que han de ser para tí menos penosas            suas sombras loitosas, que o ver sorrír a un labio satisfeito da calma qu'en ser bó sinte no peito.    ¡Fuxe, fuxe, cativa, desmedrada! fuxe e traba tua lingua refollada, que a razón dos mortás non é tan cega            que no'entenda tua brega, [p. 22] e non sinta chegar teu bafo... lento, venenoso, treidor... de cote odiento!    Si tí n'eres capaz de cousa boa! s'o crarín das virtus pra tí non soa, ¿Qué veñen a catar tuas olladas,            antr'as almas honradas s'o fin has de beber lume do inferno, ô ver que ganar saben láudo eterno?...    Saber, honra, valer, gracias, virtude, todo tarreo ben, paz, e saúde... todo, Invidia, é pra tí causa de pena,            todo en fin t'encangrena: canto das almas nobres for loado gozarás tí por ver envilazando.    Ante a furna mortal do teu alento xamais s'ergueu a fror do entendimento. Cantos fieles che son e t'arrodean,            probes ou ricos seyan, terán que renunciar toda loanza, toda luz, toda fé, toda esperanza. [p. 23]    ¡Ouh terribre pasión esfamïante non farta de roer un soyo instante! ¡Hastra paréz que tés dentes nos ollos,            hurdideiros d'embrollos! ¡Fúxe! ¡maldiga o mundo as tuas mañas, ¡Batán do sono!... ¡broca das entrañas!!!...

© 2006 Biblioteca Virtual Galega