BVG     Atrás    Índice de Páxinas

[p. 30]    Do vran unha tarde ardente, De sede morto un paxaro, Con ansedá busca a agua Cruzando o val despobrado.    O sol brilante e sin nubes Amóstrase aló no espáceo, Deixando na terra a promo Caer os ardentes raios;    Mentras as frores muchadas, Sin forza tamén, seus tallos Hácea ô chan buscando a morte Van pouco a pouco incrinando. [p. 31]    Non ouvean os cadelos, Non se oi o chirrar dos carros, Nin a campana da hermida Dí xa nada ô bon cristiano,    E mentras todo así dorme, De sede morto o paxaro, As áas bate xa sin forza, Que a vida vaino deixando;    Mais de repente percibe De unha fontela o remanso, E aló, máis lonxe, escumante E choutador un regato.    E facendo un novo esforzo, Sin vida, cuase, e sin ánimos, Chega e tírase no rego, Morrendo, ô fin, afogado.    ¡Ai!, cantas veces pensei Que asomella esto ôs peisanos Que deixan o chan gallego Perseguindo un sono vano;    Que non son sempre as riquezas, De conseguilas no caso, As que felices nos fan, E con que todos soñamos.

© 2006 Biblioteca Virtual Galega