BVG     Atrás    Índice de Páxinas

[p. 86]    Unha maniobra falsa ou mal levada, Unha racha de vento inesperada, ¿Quén sabe?, o caso foi que, naufragando A barca en que pescaban Tres homes que da praia lonxe estaban, Co-a quilla ô sol quedou, a volta dando.    Un dos tres, que marino nunca fora, E que en sel-o quizais non pensaría, ¡Quén lle dixera, entón, que afogaría Ó minuto de estar da barca fora!    Outro, que non coidou que socedera Cousa tal, e a nadar non deprendera, Unha hora loitou, mais xa cansado, Como o seu compañeiro, A pesar que, anque pouco, mariñeiro Era, tamén morreu logo afogado.    Dando, no mar, ôs outros cruz e raia, Seis horas, a espiréncea aproveitando, O terceiro sostívose loitando, E anque canso, chegou ô fin â praia.    Con tenpo prepararse non é malo, Despois quizais e tarde pra pensalo

© 2006 Biblioteca Virtual Galega