[p. 15]
Amañaba un arado Xan Penouco,
Bon labrego e arteiro;
Mais Dios, de carpinteiro,
Pol-as trazas en él puxera pouco.
E a rella ô por, fixou un solo cravo,
Pra sí dicindo: "queda asegurada,
Pois unha rella, ô cabo,
Non é, pol-o que pese, unha xugada."
Sin cavilar, ¡el tolo non sería!
Que con un solo cravo que metera
A rella quedaria
Xa n-o primeiro suco que fixera.
Leutor, ten entendido,
Que si como Penouco fai co-as rellas
C'os propósitos fas, serás vencido
N-a primeira ocasión, poño as orellas.
|