BVG Atrás Índice de Páxinas |
Corpo |
||
(sexo) |
v4emmapedreirasexo.html
foi
promesa do leite
mancándose
desde o moi alto
e descer
a borbotóns cada noite
premes o valor instantáneo
dunha hemorraxia de violetas
que foi polo que quedaches impreso nunha agonía
de corpo enteiro
a reverter azul-vida
polas comisuras
como un ínfero fluvial e térmico
sabes a vermello por dentro (aproximadamente)
e máis aló da obsesión
está a boca prematura
desintegrando espacio de líquida espera
unha matanza de armiños vermellos
un sangue moi branco
unha caricia violenta
© 2006 Biblioteca Virtual Galega |