BVG Atrás Índice de Páxinas |
Onde tanto me teño sementado |
||
Páxina 10 |
Epílogo
ORFOS DE VIVOS
Nun curruncho do patio do Colexio.
Ollos grandes, calados,
dianas do silencio,
miradoiros de brétema e saudades.
Hoxe falamos
de fillos e de pais durante a clase
denantes do recreo.
Esvara nos seus ollos (¡tan calados!
¡tan grandes!)
un anaco infinito de misterio.
-"Pais é cariño
que che quenta a cariña en noites crúas,
que estrelece con pompas de alegría
os crepúsculos máxicos,
é boas noites, a soñar cos anxos,
contos e cantos
cando zoan as árbores do eido,
niño, órbita, espello,
profesor, sacerdote, amigo, médico".
Transitan polo patio
andoriñas e rachas de misterio.
Esvaran na mirada de alabastro
anainas dos avós, solpores de silencio
(ollos grandes, calados)
nun curruncho do patio do Colexio.
© 2006 Biblioteca Virtual Galega |