BVG Atrás Índice de Páxinas |
Onde tanto me teño sementado |
||
Páxina 15 |
Epílogo
CACO FÓNICO
Caco fónico é quen rouba sons, no caso
deste xoguete literario a música de ?A
quién le importa?, de Alaska.
Hai xente que presume
de seren amiguiños,
ou compis ou coleguis
de alumnos ou de fillos,
coma se recuasen no vivido
e fosen outra vez cativos.
O estatus das persoas,
os anos e as vivencias
son os que te compinchan
ou marcan diferenzas,
na escola-torno, somos os oleiros
e vós o barro cantareiro.
E teredes sempre a nosa axuda
porque vos queremos un montón.
Pero non somos os vosos compas
senón que somos os vosos profes,
nós a ensinar
e vós a aprender,
como debe ser.
Hai profes que presumen
de seren os papás
de todos os alumnos
para significar
que os queren e os educan moito máis,
que sendo mestres, sendo pais.
Nós querémosvos e reforzamos
o que vos educan os papás.
Pero non somos os vosos pais
senón que somos os vosos profes,
e cada quen
ten o seu papel
como debe ser.
A sociedade pensa
que na docencia somos
a escola, panacea,
os mestres, faino-todo,
que se resolven todos os problemas
dándolle a escola competencias.
Sexo, droga, condución, alcol,
enfermidades, alimentación.
Pero non somos superheroes
senón que somos só profesores,
só temos que
ensinarvos ben
como debe ser.
© 2006 Biblioteca Virtual Galega |