BVG     Atrás    Índice de Páxinas

RIOMAIOR

Existe en Riomaior unha aglomeración de converxencias que debuxan, activas, unha escola colorida e poeta. Existe en Riomaior un microclima cálido e telúrico onde un orballo fértil de inquedanzas frutifica as ideas. Existe en Riomaior un mar azul inzado de roibéns, esa semente segura de alboradas que rebentan en máxicas colores. En Riomaior, o aire leva risas infantes nas entrañas, crisálidas alegres de futuros, de colores, de grises. En Riomaior, o aire ten por átomos pompas de alegría que estrelecen con luces de utopía a música da aula. En Riomaior, o aire leva notas amigas e polícromas, atmosfera dun cosmos camarada que te eleva lixeiro sobre as augas dos encoros da vida. Un pode en Riomaior levitar sobre valos neboentos e alcanzar a albiscar o perímetro breve, azul intenso, da felicidade. Un pode en Riomaior compartir a docencia vertixinosamente, pararse a ver chegar a primavera, intercambiar co vento poemas musicais ou perderse nas beiras dun río de cariño. Un pode en Riomaior atopar nos cabalos alados dos cativos o leito, que buscada, do seu río, ou tal vez ser poeta sen ter outra bagaxe que unha ollada profunda e altruísta. Un pode ser feliz en Riomaior. .

© 2006 Biblioteca Virtual Galega