BVG Atrás Índice de Páxinas |
Onde tanto me teño sementado |
||
Páxina 8 |
Epílogo
ELES
Teñen o corazón de fantasía,
labios como libélulas vermellas
estrelas de colores baixo as cellas
e na voz un cadoiro de alegría.
En flores coma estas, día a día,
competimos teimudos coas abellas,
ou cos bois, cos arados e coas rellas
laborando tenaces a utopía.
Esperamos moi pouco, case nada
que compense o esforzo do labor,
un alegre sorriso na mirada,
unha verba feliz, multicolor,
e ver as habelencias da rolada
voando no aire azul de Riomaior.
© 2006 Biblioteca Virtual Galega |