BVG     Atrás    Índice de Páxinas

[p. 95]           Á María lnmaculada.    Salve, Virxen bendita María, Salve, Reina de ceos e terra, Salve, Arca Sagrada qu' encerra Todas cantas mercés nos fai Dios;    De xinollos postrado âs tuas prantas Supricante e contrito che pido Que me mires cal fillo querido, Que me mires con ollos d'amor.                          —    Fai qu'a y-alma que toda ch' entrego Chegue ô ben porque tanto suspira, E perdoa s'é moi tosca a lira Que che canta esta probe canción.    Fai, Siñora, que todol-os homes Poidan ser d'a túa groria testigos. [p. 96] E dá á todol-os meus enemigos Paz, amor, caridad'e perdón.                          —    Tí, que és o consolo d'o triste, Dá remedio ôs meus fondos pesares; Tí que és o luceiro d'os mares, Alumea n-o meu corazón.    Eu quixera qu'o teu santo nome Non me canse xamais de decilo, Eu quixera que cando cabilo Foses dona d'a miña razón.                          —    Fai, Siñora, que nunca os errores Teñan casa n-o meu pensamento, Non t' apartes de min un momento Cando o deño me veña á tentar;    Porque quero gozar d'os consolos D'a católea fé en que creo, Porque quero dempois ir ó ceo Pra de cote as tuas groreas cantar.

Navidá 8 de 1889.

© 2006 Biblioteca Virtual Galega