No
decorrer dos tempos do centralismo dos reis católicos, tal vez en
beneficio da unión de todos os pobos da España, Galiza sofre todas as
perturbacións anárquicas, e así, quedando máis pobre, inclusive pola
perda de peregrinos na camiñada ao Evanxelizador do Occidente, Santiago
de Compostela, que non lles era permitido ver a "Vía
Láctea", indicadora do "Camiño de Santiago". Mesmo
así, con todas esas mudanzas políticas e relixiosas, nesa época foi
construído en Ourense o Palacio Ourensán ou Palacio de Valladares.
No ano de 1800, na guerra da Independencia,
coubo tamén a Ourense, unha cota de vidas humanas, é dicir, a entrega
da maior parte de súa xuventude, toda súa alma e xenerosidade nos
montes de Bande e Sobeira, armando un célebre batallón, que se encheu
de glorias, loitando contra o invasor francés. Se nón chegasen tantos
problemas da vida política, cultural e económica destas terras, existe
outro moito maior, devastador e desintegrador de "Lares," que
é o problema da emigración. A emigración, ese mal necesário en
determinadas épocas da historia galega, leva en sí un pouco de
fascinio, necesidade e aventura. Ese fantasma implacable da incerteza,
da identidade e da "diáspora" inevitable, aumentando a
traxedia e o trauma de ter que abandonar, nun adeus conmovedor, as
terras sagradas dos antepasados que, durante moitos séculos, deu
sustento e, por súa beleza, foron estuario espiritual para acrecentar
seu amor a ese testemuño, raíz vital e fonte clara de seu traballo e
esperanza.
Poema ó emigrante
O de ser un emigrante
é ser sen querer
na camiñada errante
para poder sobreviver.
Pensar a "América facer"
noite e día loitando
para a familia non esquecer
e con iso logo voltando.
Emigrar para o futuro
e alí logo encontrar
un país acolledor
isto pode moito axudar.
O tempo vai pasando
e a "América sen facer"
a soidade aumentando
o seu corazón a sofrer.
Ele vive duas vidas
antes e despois de emigrar
lembrando as despedidas
está sempre a soñar.
Xuntos, soño e realidade
o emigrante vai pensando
a volta é unha necesidade
mentres a familia vai formando.
Despois de moito tempo
o emigrante vai á súa terra
pensando coñecela aínda
pero, todo mudou, el e ela.
Non coñece a máis ninguén
nem mesmo ós parentes
os amigos, xa non ten
as persoas son diferentes.
Seu corazón sangrando
súa alma rompida
seus ollos chorando
con identidade indefinida.
Madira.
|
Pero a Galiza
"arcaica e maternal", non para ante tantos obstáculos
encontrados en súa camiñada a través dos tempos. Súas artes se
difundiran por terras ibéricas, seus artistas e xograis servían a
todas as cortes. Entre nobres vasalos, está Afonso I, o de Guimaráns
que, cabalgando polos claros e floridos campos do Miño, onde a videira
abraza o "laurel romano", para triunfar sob o ceo de Ourique,
onde diseña a Cruz de Santiago, dominadora do vento por tódolos mares
navegados polos feitos da Galiza, nai de dous imperios, señora de
duas falas, sigue vivindo súa era de arte. Pero, esa gloria de ver
seus fillos dos fillos triunfar, estaría moito perto de seu final.
Ata que un día, polo egoísmo do poder
desenfreado, a nobreza de Castela e a burguesía de Portugal romperan,
nunha batalla absurda e irracional, o elo da unidade fraternal de
Santiago de Compostela. Foi un eco final, de dor e de tristeza, da
poesía galaica. Sobrou, apenas, a soidade de unha época heróica,
lírica e épica de un pobo, que como poucos, soubo camiñar facendo
súa propia historia e a dor de unha "grande España" que se
desmembrava para nunca mais ser a mesma.
Máis unha vez, este pobo galaico é submetido
por Castela durante un longo tempo, esmagando seus sonhos de liberdade,
pero, seu espírito indomable que estava inerte dentro de sí, explode
nunha rebelión popular contra o avanzo do poder dos señores de terras.
Esta revolta popular, chamada de "Guerra dos Irmandiños",
foi iniciada no ano de 1467, indo deica 1469. Esta revolta, foi un grito
de dor, amargura e cidadanía contra o opresor feudalista que explorava
estes campesiños. Con o lema "Deus et fratres Galleciae",
pretendian destruir as fortalezas e torres dos señores.
Nesta revolta da amargura e sofremento do pobo
da Terra galega, merece algún destaque a antiga Comarca da Terra de
Montes. Esa Comarca que se situa na divisa das provincias de Ourense
e Pontevedra, abranxendo os concellos de Forcarei, Cerdedo, Beariz e
parte dos concellos de Avión, Cotobade e Monte-Campo-Lameiro. Foi
nestas terras, onde seus habitantes tiveron unha participación efectiva
na defesa de seus direitos e cidadanía para súa sobrevivencia. Esa
resistencia, se concentro, principalmente, na Parroquia de Presqueiras
onde existía unha importante Torre construída sobre un antergo castro,
dende a cal era administrada toda esa Comarca polos denominados
"Xuíces Merinos" (os xuíces merinos eran nomeados polo rei)
e, cuxo comando central nesa rexión estava no Mosteiro de Aciveiro.
Para mellor administrar estas terras, alén da Torre do Castro, o
Mosteiro de Aciveiro mantiña algúns pontos avanzados, onde,
xeralmente, construía un tipo de construcción que tanto servía para
vixiar os labregos como para prácticas da fe cristá ao largo do
"Val do Alén". A pesar desas informacións non poderen ser
totalmente comprovadas, existen algúns indicios que nos levan a
acreditar, se non en todo cando menos en parte, neses relatos
históricos.
Para xustificar a hipótese, dende algúns
outeiros ben cerca da Capilla de Santo Domingo de Guzmán, na Parroquia
de Xirarga, podese ver a mor parte deste Val e, un outro testigo vivo,
cando menos por encuanto, é o lugar aínda existente deica hoxe, o Lugar
de Alén que, fai parte da Parroquia de San Salvador de Xirarga.
Durante a revolta e, con a derrubada da Torre, os xuíces merinos
tiveron que se mudar para Soutelo de Montes, onde se asentaran deica o
ano de 1811, cando foron abolidas as xurisdicións especiais, sendo o
seu último xuiz, Don Manuel de Ogando Barros.
De certa forma, era máis un elo da corrente
anárquica en que se encontrava o reino da Galiza, submetido por
Castela, nos tempos de Enrique IV, O Impotente, que sobresaía máis
acompañando as ilimitadas ambicións dos nobres, polas que o pobo
sofría lamentables conseqüencias. A pesar de todo iso, esta terra
galaica mantivose agarimada á súa propia antigüidade, un pobo con
apego á súa tradición durante moitos séculos, a súa fala, súa
arte e ao seu modo todo especial de vivir no pasado de glorias e de fe.
Así, soidade, que no galego coloquial se traduz em "morriña",
é algo máis que iso, é a ansiedade polo pasado no tempo e no espacio,
vontade de desandar como se fose posíble volver no túnel do tempo. É
de admirar esta sina fantástica de sentimentalismo e de carácter en
relación á propia terra e a natureza da mesma.
A forza e o feiticio interior dese pobo, en
cada aldea, en cada Parroquia e Comarca, que continuan con súa
traxetoria de mudanzas como se fosen a propia natureza destas terras:
Rochas, vexetación, ceo, estrelas que, a cada instante e período
apresentan paisaxes diferentes. Esta é a propia morriña ou
soidade, esta é a tradición galega. Aquí, nestas terras, en que
aínda se venera a propia historia do pasado, sen esquecer o presente do
futuro, onde por moitos séculos se construíran moradías de pedra,
semicirculares (os castros) e que, en moitas comarcas aínda existen
destes poboados celtas. Aquí, nestas terras que aínda se cantan as
doces e meigas melodías impregnadas de salmos e liturxia, ó modo
gregoriano, para fecundar estes lares lexendarios.
Entre os castros que citaremos a seguir, pude
ver, tocar con miñas propias mans e sentir a emoción daquilo que resta
desa cultura castrense, principalmente na rexión galega. Na província
de Ourense, entre os máis importantes ou que aínda se conservan
algúns vestixios naturais, están os de : Celanova, Santa Águeda,
Martiña, Villamarin, Castro Caldelas, Cameixa en Aboborás e o de
Magros que está situado no Concello de Beariz, onde eu nacin,
sen contar outros tantos non menos importantes nesta província e
principalmente, na província de Pontevedra. Existen castros por boa
parte da península Ibérica, pero un dos máis conservados na Galiza,
tal vez sexa o Castro de Santa Tecla, na Provincia de Pontevedra.
Tantas riquezas culturais de un pasado heróico
por toda a Península Ibérica, e particularmente na Galiza, a través
do "Camiño de Santiago". Aínda hoxe poden ser vistos. Son
vestixios de anacos que conservan boa parte das calzadas romanas, entre
elas, está a famosa "ITINERARIUM", construída polo Emperador
romano Antonio Caracalla. Era unha das catro Vías que unía
"Bracara" (Braga) en Portugal, con Astúrica (Astorga) na
España. Realmente, foi a influencia romana, a partir de Otavio Augusto,
o emperador conciliador nas terras da "Galleciae" romana, hoxe
é a Galiza e o norte de Portugal, que estabeleceu as colonias que
levaron o seu nome: "Lucus Augusta", hoxe a provincia de Lugo
na Galiza, "Bracara Augusta", hoxe Braga en Portugal e
"Astúrica Augusta", hoxe na España é Astorga.
Os romanos ocuparan as tres colonias con tres
lexións para efectivo dominio e a súa romanización. No entanto, foi
conservado o fondo étnico celtíbero, con os costumes e espírito
arraigado no pobo galaico. Entre os cultos máis comuns do pobo
celtíbero, estava a adoración ó Sol, á Lúa, ós montes, ríos e
fontes e á propia natureza como un todo e tamén ó espírito: Tiñan
oráculos, sacerdotes e sacerdotisas; facían sacrificios... Aínda se
conservan algúns núcleos urbanos dos antergos habitantes da península
Ibérica, con súas murallas e fortificacións; Numancia-Tarragona en
Teruel con acrópoles, murallas e rúas calzadas.
Outra importante "Vía Romana",
a de Lodeiro, viña dende Braga (Portugal), pasando por Ponte de Limia,
entrando na Galiza de hoxe por Pontevedra (Tuy), que continuava por
Borbén, Tourón, Caldas de Reyes, Padrón, Asorey, Hervo, Marzá e
Lugo, onde se unía con a Vía XX, esta chamada "Per Loca
Marítima", separandose da Vía XIX en Límida, seguindo por
Vigo, Pontevedra, Rianxo, Betanzos deica Lugo, esta última toda dentro
da Galiza. Como se ve, os romanos, para unha mellor romanización e
administración da Hispania, construíran unha serie de Vías, aquedutos
e pontes, que amosavan un sólido coñecemento da enxeñería viaria.
Pero a Galiza pós-romana continua encarnando a
tradición en seus lares de forma maternal, en virtude de que as nais
galegas, durante moito tempo, tiveran que se dignificar como símbolo do
que perdura. O home vai e volve (a pesar de nen sempre) alterna, muda;
ela permanece heróica e persistente en seu lar. De toda a epigrafía
galaica, nada é máis revelador do que a dedicación das "Matres
Gallaeci".
Esta terra galaica, paridora de multitudes,
criadora de liñaxens "Nai Matria", é cantada polos
cancioneiros que levan a voz do canto de muller na súa organización
familiar, que ela rexe e vive de forma plena e sensata. Estas nais
galegas escravizadas polo neboeiro da emigración, traballando súas
terras e lavando suas roupas con as bágoas das cancións da dor e
cantos peregrinos de amor e fe.
¡Oh, nais galegas! Matrizes de
guerreiros e de evanxelizadores, a que deron coraxe e senso de xusticia,
lealdade e espírito aventureiro. Deron os galegos, na rota da conquista
das Indias remotas (América Latina), moita fibra e moitos
"Santiagos" nos andores andinos e caribeños Santiago de
Chile, Santiago de Cuba e outros. Foron tamén os galegos aqueles que,
na Batalla de Lepanto, fincaran a bandeira de Fernando de Andrade (No
Golfo de Lepanto, no mar Mediterraneo, nas costas da Grecia, na batalla
contra os turcos en l57l). Outros grandes homes deu a Galiza para as
Españas de entón: os que facían a xusticia en Valladolid, os que
administravan dioceses e abadías, os que rexían colexios, os que
compilavan historias. Houbo, aínda, aqueles que, por necesidade, ou ás
vezes por aventura de emigrar e servir ás Españas e as Indias: na
arquitetura, nos Mosteiros e nos campos de Sárria de Galdo, todo iso
sen perder a humildade santiaguesa.
Sangue galego nos grandes da Europa que, a través de Fonseca, oían a
voz do humanismo, e con Lemos a xenialidade cobizada, e con Gondomar
toda a sutileza palatina. Mans galegas para as tallas de un Gregorio
Fernández, Castelao de Pontevedra... Se xa non bastase todo iso, saiu
da Galiza o apellido para o maxico das letras Hispánicas, Don Miguel de
Cervantes (O autor de Don Quixote). Ata as paisaxes de Galiza para as
"Soledades", de Góngora e unha Galicia heróica e rude na
"Mari-Hernández", de Tirso de Molina. Ouro galego, de
Ourense, tirado do Río Miño, para Carlos V. "Gallaecia
nutrix"...Como a auga que fecunda os pastos na estiaxe, así é a
terra de Santiago de Compostela, mesmo oculta, dá vida e esplendor, ás
veces contrariando a malicia das correntes de Castela.
O poema que ven a seguir, de Rosalía de Castro, retrata moito ben como
a Galicia era vista naquela época polos galegos.
"As viudas dos vivos i as viudas dos
mortos"
(Poema en galego da época polas Edicións Castrelo- Vigo)
¡PARA A HABANA!
Venderonlle os bois ,
venderonlles as vacas,
o pote do caldo
¡a manta da cama.
Venderonlle o carro
¡as leiras que tiña;
deixarono solo
ca roupa vestida.
"Maria eu so mozo,
pedir non me é dado;
eu vou pelo mundo
pra ver de ganalo.
Galicia está probe,
¡i a Habana me vou...!
¡Adiós, adiós, prendas
do meu corazón!
¡Van a deixala patria!...
Forzoso, mais supremo sacrificio.
A miseria está negra en torno deles,
¡ai! , ¡adiante está o abismo!...
Dentro de un mes, no simitério inmenso
da Habana, ou nos seus bosques,
¡ide ver o que foi deles...!
¡No eterno olvido pra sempre dormen!..
¡Probes nais que os criaron,
as que os aguardan amorosas , probes!..
Este vaise i aquel vaise,
e todos se van:
Galicia , sin homes quedas
que te poidan traballar.
Tes, en cambio, orfos i orfas
e campos de soedade;
e nais que non ten fillos
e fillos que non tén pais.
E tes corazós que sofren
longas ausencias mortás.
Viudas de vivos e mortos
que ninguén consolará.
|
Pero, un día, o Sol brillante dos picos
que circundavan as duras pedras do "Obradouro" e a gracia das
follas caídas polo vento, foron perdendo o encanto para os galegos que,
ciúmentos, deixan o lar e o pan de cada día así como as andoriñas
deixan seus niños a cada temporada primaveril. Era de novo a busca de
un novo niño, un novo Sol da América descuberta... Como nos tempos de
Aníbal, como na conquista de Almería e Sevilla, era a cruzada a
Ultramar, de un exercito compasado de galegos, fillos da Galiza
espallados polo mundo, mentres o poder das Españas se esvaía na
monarquía absoluta.
De novo, esta Galiza arcaica, nobre, aguerrida e soñadora, érguese
contra a frivolidade das cortes e refai súa "Historia na
Emigración". Era a busca do descoñecido, do incógnito, contra a
vida fácil, á servicio da sina expansiva das duas Españas, mentres a
cabalgada heróica, no interior dos palacios, era decadente. Continuavan
así, con seu espírito medieval de emigración, no final da reforma
neoclásica. A mesma sina, áspera e cruel, tiveran na luta contra
Napoleón, cando con a Santa Cruz á frente, saíran de Santiago de
Compostela para percorrer os caminhos ardentes do Sol de Castela do
Norte, comandados polo inglés Wellington, e heroicamente combateran os
franceses nas provincias vascongadas, en Guipúzcoa, na rexión Vasca.
Fillos de Galiza, arcaica, materna e santiaguesa, señores do perigo e
da aventura, como hoxe, gardavan a dádiva do ouro antergo e do sangue
novo, con mans moito hábeis para con leves plumas escribir a soidade da
Santiago de onten. Galiza gardou o tesouro que é unha das máis belas
linguas románicas. No seu cálice, beberan o máxico licor da poesía
moitos galegos ilustres: Mendiño, Rosalía de Castro, Celso Emilio
Ferreiro, Xosé Cela...
" Eterno servo "
¡Oh terras galaicas!
con teus belos campos
que celtas e romanos
veneraron teus encantos.
Tuas rías cheas de recantos
verde-amarelo teu monte,
teus ceos sempre azulados
teu Sol dourado no horizonte.
Terra de altos e vales
de cantería e pizarra
de barro e seixos con metal
para facer chozas na bisbarra.
Terra de mámoas e castros
morada de teus guerreiros
monumentos que contan historias
lendas e poemas verdadeiros.
¡Oh nobre terra galega!
De riquezas naturais
que fixeches ós teus fillos
eiquí non acougan máis.
Homes de moito valor
guerreiros destemidos
e levados por Castela
a loitar cos seus inimigos.
¡Oh laborioso servo!
fas os máis duros servicios
dende hai tempos antergos
ca humildade e sacrificios.
¡
Oh bravo e heróico galego!
que serves a outras terras
con gardas e soldados
dá o teu grito de guerra.
¡Oh coraxoso peregrino!
para de servir e viaxar
acouga na tua terra
deixando así de emigrar.
Madira.
|
|