Dos
pobos do Neolítico español, supóñense, principalmente, duas
procedencias: unha, entrando polos Pirineus, vindos do centro da Europa,
a raza dos Ofnet (Baviera); e a outra entrando polo Mediterráneo, de
procedencia norte-africana.
A cultura do povo Ofnet, caracterízase pola
"industria" das cunchas, que se estende dende os Pirineus ata
o río Miño. É unha cultura moi arcaica, onde aparecen amontoados de
cunchas e restos de aves, peixes e outros animais.
A cultura dos pobos procedentes do norte da
África, caracterizase polas construccións chamadas de "monumentos
megalíticos", posiblemente de carácter relixioso.
Os autores clásicos máis antergos. recoñecen
tres grupos diferentes: I) pré-celtas ou celtas primitivos e
pré-ibéricos, que deben ser o resultado da miscixenación dos varios
pobos que, dende os tempos máis remotos, foron ocupando a península
Ibérica, II) os celtas; III) os íberos, que poden ser subdivididos en
dous grupos, é dicir, os propios íberos e os tartesios ou turdetanos.
No entanto, os historiadores e xeógrafos
clásicos chaman, indistintamente, de íberos ós primeiros habitantes
desta península na lonxíncua historia. Son moito discutibles a orixe e
procedencia: algúns os consideran mediterráneo-africanos, que aquí
chegaron no periodo neolítico. En novas descubertas sobre os posibles
primeiros habitantes da Península Ibérica, supoñense de pouca
importancia como "raza ibérica".
Estudiosos do asunto, acreditan que, tal vez
nunca teñan existido como "raza", nen como cultura
ibérica e que, na verdade, serían celtas ou céltico-ligures moitos
dos restos culturais encontrados na península. Outros pensan que, na
realidade, os primeiros pobos que chegaran à península, foran de orixe
líbio-ibérica e berbere, que con o decorrer dos tempos sofreron un
proceso de iberización. Isto parece ter ocorrido en apenas parte do
territorio peninsular, supoñéndose que, paralelamente, na outra parte
do territorio habitavan os celtas ou celta-ligures xunto con outras
tribus conforme confirman os obxectos encontrados en varios pontos da
península, inclusive algúns monumentos que persisten ata hoxe.
Nese movemento milenar, a península Ibérica foi sucesivamente habitada
ou, en algúns casos, apenas colonizada e, que moitos deses pobos, non
se sabe de onde viñeron nen a influencia que exerceron sobre a
formación do pobo hispánico; os propios íberos, que a pesar de
algúns historiadores sustentaren teren vindo do norte da África,
outros admiten ser autóctones da península, cecais, nese caso, o seu
nome derive da rexión do "Íberos" (río Ebro), é dicir,
nome dado ás tribos que habitavan ás marxes dese río. |