v9dizramosrancoresdopasado004
A pesar de ser dous vellos amigos e excombatentes da
guerra civil española, en dúas cousas eles nunca chegaban
a un acordo: na súa ideoloxía política e
relixiosa. Cando houbo o levante militar en 1936, Froilán estaba
servindo como soldado no servizo militar en Tetuán/Melilla e,
Bernabé traballaba como obreiro especializado en
ebanistería, nos arredores de Madrid.
Tódalas
veces que ían ao café, alá nun poboado de
Andalucía, ata polo camiño discutían as
súas diferencias ideolóxicas. Entre outras cousas,
falaban sobre relixión, contra ou a favor dos métodos
adotados polos curas das parroquias ou as políticas exercidas
polos Alcaldes e Secretarios de seu município. Pero, o que
máis lle daba placer e ás veces rabia, era discutir sobre
a loita inxusta que eles e milleiros de españois tiveron que
enfrentar na guerra civil.
Algúns
amigos e compañeiros da partida de Dominó, no
café, que sabían das súas diferencias,
tiñan que combinar para non discutir política
durante o xogo. Soamente ao xoven estudiante Solobreña lle
gustaba ouvir as súas odiseas do frente de batalla. Cada un
quería lle contar máis victorias do que o outro, mesmo
que tivesen que aumentarlle un punto.
Ti sabes,
Froilán, eu, un ebanista de mans delicadas de alisar, con moito
cariño, aquelas madeiras de ébano e de marfil, ser
obrigado a coller un fusil! Montar e desmontar parapetos nas
trincheiras ou casetas, onde fose necesario no medio dos combates!
Porén, o peor, meu amigo, era ser mandado por aqueles
brutamontes anarco-comunistas das milicias obreiras que non respectaban
a ninguén. Ou se obedecia ou era fusilado como un can coa rabia.
Cantos non perderon a vida dese xeito.
Claro,
Bernabé, en tódolos lados dos bandos políticos ou
na frente de batalla, xeralmente, quen mandaba tiña que ser ou
paracer un brutamontes. Había que coidarse con uñas e
dentes para non caer no primeiro descoido ou durante a unha ofensiva
militar. Para min, o peor foi cando tivemos que atravesar o
“Estreito de Gibraltar” en vellos barcos de pesca para
desembarcar en Andalucía no lugar en que puidéramos.
A
aviación republicana matou a moitos compañeiros no medio
do camiño e, as milicias do Frente Popular, que xa estaban
infiltradas por tódolos lados das forzas armadas, tamén
asesinaron a maioria dos comandantes e auxiliares de navios da armada
española que non lle merecían confianza.
Sí,
Froilán, os republicanos e seus aliados non eran santos e
cometeron moitos asasinatos desnecesarios; uns por medo de represalias
dos seus xefes e, outros, porque non había un comando unificado;
en moitas cidades era un total desorden tiña comandantes de tódalas ideoloxías por tódolos lados; era orden e
contra-orden.
Pero, iso non
pode esconder a barbarie cometida polas tropas dos nacionalistas,
principalmente as comandadas polo xeneral Juan Yagüe ou seus
subordinados en parte de Andalucía e Extremadura. Os máis
brutais foron os mouros por súa disciplina castrense e seu
carácter de reguralares-lexionarios, entrenados para loitas de
vida ou morte no norte da ÁfricaCeuta/Melilla.... Eles
practicaron un verdadeiro xenocidio por onde pasaron.
Bernabé, eu sei mellor do que ninguén o que facían
os regulares e as lexións africanas cando entraban na frente de
unha batalla, eu servin xunto con eles durante unha boa tempada do meu
servizo militar obrigatorio, que me destinou a África e, como ti
dis, era vivir ou morrer. É ben verdade que nos primeiros
instantes do levantamento dos nacionalistas, contra os do Frente
Popular, ninguén sabía o que podería acontecer,
tanto de un bando canto do outro cantaban a victoria antes do tempo.
Por iso, a orden era liquidar a todos cantos foran encontrados por
diante como obstáculo para consolidar o poder nos territorios de
domínio.
Pero non penses ti que nos outros
frentes non se facían cousas igual ou peores. En Cataluña
existían algunhas agrupacións antifascistas ou
anarco-comunistas, na súa maioría compostas por UGT, CNT
e o POUM que tamén integraban o Consello da Generalitat. Estas
agrupacións dedicábanse a actos de pillaxe, de saqueo e
roubos, principalmente no campo. Máis tarde, mellor organizados
con “Patrullas de Control” con xefes que realizaban
accións de terror nos campos de Cataluña contra os que
non aderían ás súas ideas e aos que
chamaban de payeses. Como podes ver, Bernabé, o xenocidio non
foi soamente cometido por moros, pero, o peor, polos propios
veciños e irmáns separatistas e anarco-comunistas.
Sí,
Froilán, iso ata que pode ser verdade, pero, a mor parte desas
milicias eran indivíduos que fuxían, por covardía,
coas armas do frente de batalla e con elas, en nome dos caciques
políticos da localidade, é que facían tantas
prisións e cometían asasinatos que ata tiñan
un cárcere e un cemiterio clandestino.
FAI>(Federación Anarquista Ibérica)
Esas Patrullas
de Control, nen sempre obedecían ó Comando do
Goberno republicano.
Señor
Bernabé, eu penso que moitas guerras son “burras”.
Non estaremos cheos de todo iso? Guerras...! Conflictos! Moitas
guerras! Que torpeza! A cantas guerras asistimos constantemente no
mundo por intolerancia e antagonismos de ideas políticas e
relixiosas...? Se non podemos desfacer o pasado, cando menos podemos e
debemos repensar un futuro máis humano e solidario...
Sí home
sí. Ti tes toda a razón. Pero, unha cousa é pensar
niso agora e outra era raciocinar naquel intre de mandos e desmandos
con asasinatos cometidos por uns e polos outros. Cando fun reclutado,
autoritariamente polas milicias, fiquei con moito odio do Frente
Popular. Eu estaba no meu traballo sen nenhun problema cos meus
patróns gañando a miña vida honestamente, cando,
de repente, me ollei na rúa da amargura cun fusil nas
miñas mans. Para os anarco-comunistas, calquera un que vestise
unha roupa mellor ou as persoas que usasen corbata e un sombreiro, elas
eran fusiladas como verdadeiras inimigas.
Unha cousa esta ben clara en
tódolos medios de comunicación, meu xoven
Solobreña; os problemas de unha sociedade dividida e com moitos
excluídos, ven provocando constantes Golpes de Estado, guerra do
Iraque, Líbano, Herzbollah, Palestina, Europa oriental,
África... e outras guerras relixiosas mostrando que, os homes
son capaces de invocar a seus deuses para xustificar asasinatos e
conflictos, para ter máis poder sobre os seus intereses persoais
e económicos.
O que me di
de todo iso que acabamos de ouvir, señor Froilán?
Ben, ata que
enfin, eu e Bernabé, parece que concordamos en algunhas cousas.
A situación de intolerancia e degradación moral de grande
número de determinadas autoridades, móstranos a tendencia
do home a ser: perverso, rancoroso, corrupto e ter moito odio, iso
quizais non estexa apenas no outro, no distante, no pasado, pero,
alí preto que pode ser despertado cun mórbido pensamento.
Calquera comentario histórico ou relixioso nos medios de
comunicación, xa é motivo para un desencadeamento de
moitos conflictos inxustificabeis.
O meu punto
de vista pode non ser igual ao de vostedes, pero, eu, a pesar de ser un
xoven estudante e aínda un aprendiz da política como
calquera cidadán, dentro dos valores e modo de pensar da
miña época eu acredito que sexa moito importante para
todos nós, cando podemos ou queremos ver no Planeta Terra un
só Ser Supremo non importando o nome que se lle quira dar.
Ollar para unha terra sin fronteiras, sin razas e sin interpretacións
hilarantes de separatismos rexionais, pois, hoxe en sentido contrario
pero correcto, estamos asistindo e podemos ver no mundo
democrático europeo: a unión de todos nunha Comunidade
con intereses afins. Ser máis tolerantes e comprensivos con
nosos veciños, nosos amigos, coas crencias relixiosas ou
políticas das outras persoas sin facer diso motivo para enpezar
conflictos ou guerras. Isto xa sería un bo comezo para poder
vivir en paz.
Asi mesmo,
“meus heroes”, debemos estar sempre aprendendo coas
leccións da historia, eu ó menos estou ouvindo e
aprendendo algunhas cousas que non sabía, e, nesa
historia, tamén están as vosas andanzas como
protagonistas de algo moi triste para a miña época, a
pesar de que aínda non teño moita certeza se o que
fixeron podía ser evitado ou non. Por iso, cábenos aos
máis xovens a tarea de construirmos, a partir da nosa propia e
actual comunidade, os camiños de unha nova sociedade máis
igualitária, fraterna, sen rancores e sin xenobofismos.
En algunhas pasaxens relixiosas
tamén podemos encontrar mensaxens que nos din como debemos nos
comportar para ser solidarios con nosos semellantes e non
hipócritas. Segundo Lucas, o evanxelista: “por que atentas
un cisco no ollo dos outros e non ves unha trave no teu”. Esa
pode ser a diferenza entre un hipócrita e un tolerante sincero.
Solobreña, non fales moito de conceitos relixiosos co amigo
Bernabé, pois, el ten alerxia aos pastores evanxélicos e
curas, pero, así mesmo, cando está na igrexa, creo que
aínda bate no peito ben máis do que eu.
Non lle
fagas caso a ese tonto falanxista, meu xoven, unha cousa é ter
fé en algo que acreditamos ou consideramos misterioso e que
está un pouco acima de nosa comprensión; outra cousa
diferente é aceptar as tonterías que nos fan acreditar
algúns curas ou calquera pastor evanxélico,
facéndonos engolir moscas e cuspir avésporas.
Meus grandes
heroes de batallas apocalípticas e indescriptives, eu creo que
vos entendo, a pesar de non ter vivido a vosa época de
xuventude, Pero, a miña xeración non viveu totalmente a
vosa época nin a de nosos pais ou de nosos avós. Non
colleu as armas ou foi polo campo xusticiar e doutrinar as masas
camponesas ou polas cidades invadindo as fábricas para defender
os obreiros oprimidos e masacrados polas inxusticias dos
patróns ou dos gobernantes irresponsables.
Tamén
non ovacionamos a victoria dos Nacionalistas sobre o Frente Popular,
cantamos o himno dos falanxistas ou dos anarco-comunistas dando vivas
á Rusia, pois nós somos españois e non rusos.
A nosa Pátria é a España e non a Rusia! E, do
inicio e fin da segunda República, tivemos unha triste e
vaga lembranza. Pero, iso non quere dicir que descoñezamos a
historia e o que aconteceu naqueles idos de funestos anos de trebas:
antes, durante e despois da guerra civil española ou como
vostedes lle queiran chamar.
Viviuse,
soñouse, loitouse e chorouse. Todo deica as últimas
consecuencias, incluso algunhas patéticas e hilarantes. Ata nos
bandos máis radicais das esquerdas ou das dereitas;
algúns deles, se non tiñan armas suficientes, polo menos,
quizais tivesen boas intencións. Claro, que moitos deles
tamén se transformaron en inimigos internos uns dos outros, ou,
ás veces, ata salteadores e terroristas.
Hai, tamén, aqueles que nos queren catequizar sobre a
intención da insurreición de 1936, como se fósemos
idiotas ou us mentecatos, dicíndonos, que:
“A Cruzada Nacional ou a denominada guerra civil
española de 1936, nunca foi guerra civil como moitos
pensan, uns de boa fé e outros non o pensan así. Foi un
feito fundamental para manter a nosa pátria alonxada das ideas
nefastas do comunismo non só na España como en
toda a Europa occidental”.
E, por aí van as cousas... Dos máis petulantes e
acérrimos cidadáns de tódalas ideoloxías e
tendencias, pódese ler ou escoitar o mesmo linguaxar que a
propaganda dos vencidos ou dos vencedores conseguiron
internacionalizar. Tanto uns canto os outros, impregnaron a mente de
nosos pais ou avós e agora queren nos tapar o sol cunha peneira.
Algúns
dicían que o comunismo iría acabar cos valores
cristáns, coa família e a propiedade privada conseguida a
duras penas e honestidade por moitos labregos. Outros,
fanáticos, dicían que as esquerdas capitaneadas polos
comunistas, ían nos mandar directos para un paraíso onde
ninguén precisaría máis traballar:
Sería só comer e beber. Os patróns ían traballar para
nós.
Dígase
de pasaxe, que, o comunismo era tratado de forma moi personalizada como
se fose unha doutrina e non un sistema socioeconómico, suxeito a
erros e acertos como as demais ideoloxías, moitas veces,
arbitrarias e xusticeiras.
Meu xoven
Solobreña, claro que todo iso que estás a falar é
algunha cousa moi complexa para o entendemento da maioría das
persoas, mesmo para aquelas que a defenden sen ter un
coñecemento do que poida ser e das causas que pode traer para
unha sociedade que, a pesar de politizada, é moito sensibel
ó convencemento. Algúns filósofos e
coñecedores do asunto, afirman que Marx pretendía impor a
súa cartilla doutrinaria a través de un goberno en nome
dos traballadores non un goberno directamente mandado por eles.
Como
podes ver, parece que hai bastante diferenza entre unha doutrina ou un
sistema de goberno idelizado por Marxs e defendido por seus seguidores:
quizais con hipocrisía ou aparente inxenuidade.
Eu non podo
concordar con todo iso que o amigo Froilán está a
intentar explicar para vostede, meu xoven. A República, de
feito, a pesar de que non foi a República dos soños do
proletariado, xunto e por influencia da esquerda máis moderada,
quería crear condicións para unha revolución
socialista acabando así coa forza imperialista do clero e dos
militares de calquera ideoloxía propensos a dar golpes de
estado. Por outro lado, a esquerda radical facía das súas
invecís trapalladas, ás veces ata acobertada pola propia
esquerda moderada do Goberno, que, para ter seu apoio, xogaba a pedra e
escondía a man.
Contodo,
nós non podemos deixar de ollar para un pasado tan recente, pois
os sesenta ou setenta anos do que aconteceu naquela época
non son demais na vida das persoas canto máis da
historia de un pobo, de unha nazón.
Señor
Bernabé, un meu tio que loitou no frente de Teruel primeiro
mandado por uns e despois polos outros tamén dicía que
as accións e o tempo non poden ser apagados nen modificados,
pero poden e deben ser lembrados por persoas ou por unha nazón,
cando no decorrer dese tempo houbo cousas que realmente non é
tan fácil quitalas da nosa memoria. Asi mesmo, eu creo que
é necesario buscar un punto de entendemento no cal poidamos
amenizar as diferenzas, ou quen sabe? Ata perdoar que é un acto
sublime da convivencia pacífica dos seres humanos.
El tamén dicía que:
“Non
importa o tempo que pase, encanto houber aventureiros políticos
ou dictadores, sempre haberá conflitos. Eu nunca poderei
esquecer o comezo da guerra civil española en Málaga e os
combates encarnizados en moitos frentes de batalla. Unha das
máis violentas de nosa historia. A Cruzada ou guerra de
liberación, como se denominou por algúns e
insurreición por outros, ó levante de 18 de xullo de
1936”.
Solobreña,
eu non sei o que ti e o meu amigo Bernabé pensades sobre o que o
teu tío falou dos dictadores, pero, sábese que
todos eles son desumanos. Eles podem ser feitos polas armas ou sin
elas, ás veces ata por unha serie de circunstancias
políticas imaxinadas como democráticas pero nin sempre
moito honestas.
Eles acreditan nunha superioridade que lles parece imbatibel ata que ela se comprobe
efémera. Pero, así mesmo, o poder, de un xeito ou de
outro, lévaos acreditar na onipotencia. Ti sabes que ata o
grande intelectual e político Manuel Azaña foi preso
cando intentou dar un golpe de Estado en 06/10/34? A oportunidade
xunto coa intención tamén fai o ladrón.
Será
que el quería ser candidato a dictador? Ou será que el
era candidato á canonización pola Santa Sé por ter
permitido que moitos xefes políticos mandasen queimar a
opositores: frades e freiras durante a segunda República?
Principalmente en Jarama (Paracuellos). Polo que lemos en algúns
medios de comunicación, algúns asasinatos eran de moita
creldade: en algúns casos, antes de asasinar ós curas,
cortábanlle os testículos e puñánllos na
boca ata que fosen morrendo ós poucos.
No século XX, a
sociedade internacional tamén tivo que conviver coa mor parte de
dictadores paranóicos de toda a historia da humanidade;
principalmente os dous maquiavélicos carniceiros: Hitler e
Stalin. A paranoia de Hitler era contra os xudeus que via en cada un
deles un inimigo a ser eliminado baseándose nun monte de
idiotices. Unha desas idiotices era de que o pobo xudeu xamáis
tivo relixión...
Alén
diso, na mente de Hitler existía unha revolta que xa
había moito tempo viña cultivando contra algúns
países, polo coñecemento, en detalles, do armisticio e a
humillación imposta polos aliados na primeira guerra mundial aos
alemáns; principalmente os franceses e ingleses.
A loucura de
Stalin, era seguir os mandamentos filosóficos de un pensador con
ideas altruístas, dominadoras, utópicas e un pouco
ilusionistas: Karl Marx. Marx, entre outras cousas,
defendía que o traballador debería ser considerado a
persoa máis importante dentro do maquinismo dominante en todo o
mundo. A el deberíase entregar o comando de una nazón sin
discutir as condicións. Porén, na realidade, a idea de
Marx era crear unha nova relixión, pois, cosideraba as que
existían apenas como ópio do pobo; substituíndoas
por unha outra, na cal o ídolo a ser adorado sería o
titular do poder que gobernaría en nome do traballador, non
para o traballador.
O fin de Hitler, todo mundo
sabe, e, o da União Soviética o resultado foi que entrou
para historia como o país que se auto-implodiu, é dicir,
se autodestruiu por insistir en adotar unha ideoloxía comunista
autoritaria e ultrapasada. Quizais, que algunha cousa parecida poida
ter acontecido cos gobernantes da segunda República
española, mesmo que ninguén queira levar a culpa.
Na verdade, no
meu punto de vista e de outros protagonistas dos conflictos da
época: non foron os nacionalistas que comezaron e gañaron
a guerra; foron os do Frente Popular que, ambiciosos demais e
intolerantes, guerreaban uns contra os outros e, por iso, non puderon
ou non a souberon gañar. Quizais por non descubrir a tempo que
a súa superioridade, algunhas de súas ideoloxías
políticas e relixiosas tamén eran efémeras -...
Claro,
Froilán, nalgunhas cousas, ata que podes ter razón. A
auto-confianza da victoria, no abuso de si propia, cos infindos
límites do suceso, dilatan as ambicións como
balóns inchados ata estoupar. Moitos políticos, os
dictadores e os conquistadores, mesmo disfrazados de cordeiros,
normalmente tamén non se contentan co feito de haberen cativado
e iludido a moitas creaturas, de ter inducido a outras ludibriando
multidóns que os tratan como ídolos. Súa vanidade
cede á tentación de transformar a maioría en
totalidade soño fantástico e irrealizabel, con
desrespecto aos homes e ao seu Deus.
Meus caros
amigos contestadores, comezo a percibir que, agora, vostedes xa estades
a pensar con máis racionalidade, eqüidistancia e
comprensión das cousas máis importantes que aconteceron
na España e, que poden acontecer en calquera país onde
houber candidatos a dictador. Eles non aparecen do nada, as
circunstancias e os propios gobernantes é que lle abren o
camiño para os seus proxectos abominabeis.
De un modo xeral, cando mudan os gobernos instabeis ou termina unha guerra, porque
houbo un vencedor ou porque se fixo un acordo de paz, tanto nun caso
como no outro, sempre fican secuelas. Os vencedores pola cega vinganza
de impoñer o seu dominio e castigar os vencidos, cometen moitas
atrocidades. Nun acordo de paz, nen sempre é un acordo, pero,
unha imposición ou ata unha humillación que vai
alén do necesario, imposta polos máis poderosos
áqueles que, polas circunstancias daquel intre, ten menos
posibilidades de reaxir, é dicir, son máis flacos.
Citaremos como exemplos a guerra civil española e a primeira guerra mundial: na
contenda entre españois todo mundo sabe o que aconteceu nos
lugares onde estaban os dominadores; durante e despois de terminada a
loita. Na primeira guerra mundial, os aliados vencedores: Franza,
Inglaterra, Estados Unidos da América do Norte... vencedores da
Alemaña e seus aliados..., principalmente a Franza e Inglaterra,
non se contentaron en considerarse vencedores, pero, procuraron
aniquilar e humillar o que restara do esgotado exército como
tamén o que tiña de máis sagrado o pobo
alemán: súa dignidade e súa honra como seres
humanos.
“O pobo nen sempre debería merecer o castigo que poden ou
poderían merecer os seus gobernantes”.
Como
consecuencia da arrogancia e prepotencia dos vencedores da primeira
guerra mundial, ó firmar a paz ou mellor dito o
armistício, implicitamente estaban asinando o comezo da segunda
guerra mundial. Os alemáns perderan as batallas pero non
perderan a esperanza de se reerguer como un pobo traballador e con
dereito á súa autodefensa e liberdade que tódolos
cidadáns do mundo queren anhelar.
O pobo
español, a pesar de toda a humillación, principalmente
nos campos de batalla e de concentración para refuxiados tanto na España como na Franza... conseguiu amalgamar unha boa
parte de súa dor e de seu sufrimento para encontrar un novo camiño en dirección da paz. Desa dor e do sufrimento
surxiu unha boa parte de novos cidadáns con novas ideas e
dispostos a perdoar claro, sin esquecer os ensinamentos da
historia con seus erros e acertos.
Solobreña, despois desa magnífica aula de
coñecementos xerais que nos deches e, sin presumirme
de filósofo, historiador “nin experto en historia”
alén de non querendo entrar na esencia política,
filosófica ou relixiosa: sábese que a mor parte das
guerras non son feitas por ideais políticos ou relixiosos, pero,
por intereses persoais, comerciais ou industriais, de gobernos de
países con tendencias imperialistas para poder dominar ao outro.
Claro, que para un efectivo control en tódolos sentidos, o
dominio debe se extender tamén, e principalmente, na area
relixiosa que é a área máis sensibel do ser humano.
Con
relación á ideoloxía politica, na formación
dos partidos ou pequenos bandos independentes de asociacións
obreiras, é moito difícil e bastante complexa unha
definición satisfactoria entre os obxectivos de unhas e de
outras. A pesar das aparencias externas, para os leigos; o anarquismo,
comunismo e socialismo, segundo algúns pensadores e estudiosos
do asunto, nin sempre beben pola mesma cunca ou no mesmo regueiro. Todo
iso vai depender dos obxectivos do bando ou dos intereses
persoais dalgúns líderes.
O mesmo
acontece con algúns dogmas partidários ou de determinadas
ideoloxías políticas, eles defenden unha liberdade total
do individuo en seus movementos e dentro do seu modelo de unha
sociedade sin hierarquía. Pero, esa liberdade debe esixir unha
determinada renuncia, convivir coa falta, buscar a libertación
non soamente no conflicto e si tamén no amor e no respeito
ó seu semellante. Porén, obcecado polo poder e gozo, o
home dito ou considerado moderno, tórnase incapaz de dialogar e
de negociar límites de súas ambicións.
Por iso,
dacordo con as ideas dalgúns estudiosos do asunto, pregunto eu :
Cal a
relación que imaxinan existir os partidarios deses dogmas entre
a liberdade, gozo e felicidade?
Cal o verdadeiro obxectivo deses grupos que defenden a plena liberdade sin
hierarquía en tódolos sentidos posibles?
Cando
soñamos, apenas coa liberdade, cando a nosa mente voa,
transcendendo muros e convencións, o que verdadeiramente estamos
deixando para tras?
Traballo, obligacións, contratos...?
Por iso,
quizais poidamos considerar que, a liberdade e felicidade son un
movemento irreverente, elas transceden ordes contratuais e
imposicións do mercado, pois:
“Os desexos naturais do individuo, non son contratuais”.
Tal vez, por iso, a liberdade sexa o conflicto que máis atormenta o ser
humano; para eses sentimentos ou desexos, pouco importa a evolucion e
desenrolo de unha sociedade; para eses desexos ou impulsos naturais,
todo permanece no seu estado primitivo.
Froilán, cando analizamos algunhas ideoloxías
políticas, ata que pode parecer que foron idealizadas para
disociar, é dicir, dá unha idea de que a súa
directriz é no sentido de unha dislocación social, un
permanente estado de guerra ou unha regresividade ao estado primitivo
non aceptando nada que as contraríen. Claro, que nin por iso, a
mor parte das veces as diferentes maneiras de pensar deben ser xulgadas
sin discutilas e entrar no seu mérito esencial; para un
radical-comunista ou un socialista un monarquista
representaría un reo xusticiabel.
Claro,
Bernabé, iso é unha verdade relativa, pois, a mesma cousa
que é para os demócratas ou outra forma de pensar de
dereita; un anarquista ou anarco-comunista tamén
representaría o que se podería chamar de un permanente
movemento en estado de rebelión acéfala das masas.
Segundo eles, non se ten coñecemento de que os anarquistas
teñan formado algún goberno, con mando propio, en
nenhún lugar. Cada grupo ten unha organización diferente,
inclusive os que están agrupados en federacións. De
calquera meneira, eu penso que cada cabeza é unha sentenza.
Aleluia!
Meus amigos filósofos. Eu penso que, as varias tendencias de
esquerda e principalmente as varias formas de socialismo; a pesar
dalgúns acreditar que el estexa desvinculado de tódalas
relixións, nace con unha máxima cristián:
“todos somos irmáns”. Así, esa máxima
de que todos somos irmáns, é, na verdade, grabada no
máis íntimo do noso corazón. Entón,
sí por ela debemos seguir tódalas nosas accións,
temos o dereito de protestar cando nos obligan á violencia para
converternos en matadores de nosos “irmáns”.
A Social
Internacional ou os nacionalistas internacionais, dentro da
lóxica de súa doutrina socialista e da
interpretación de cada grupo, aconsellan á
deserción no caso de unha guerra entre irmáns.
Con
relación ao anarquismo, para os anarquistas: a liberdade
ilimitada, a abulición do estado e da propiedade individual,
é o maior ben dos indivíduos. Por outro lado, con
ideoloxía semellante ao socialismo e dentro do punto de vista
cristián, olla en cada ser humano un seu irmán,
pero non un irmán inferior e sí un irmán igual en
tódolos sentidos.
Sí, Solobreña, pero pregúntoche eu:
Será,
que na realidade, pode existir unha civilización sin un contrato
social, sin un ethos regulador? * (ethos> do grego> costume,
hábitos...)
Vivir nunha
sociedade sin lei e sin límites para os desexos non sería
unha vida infernal? Parécenos imposibel conxugar liberdade
gozo e felicidade sin responsabilidade social ou individual.
Será
que iso non nos poderá levar a poder acreditar no
paraíso sin antes chegar ao límite do inferno?
Como
asumir existencia propia, renunciar a rotas xa
delineadas?
A liberdade e felicidade do cidadán pasan pola autonomía,
polo nomear por si mesmo, polo non se submeter, non se alinear.
Como conciliar liberdade con sociedade e vida en comunidade?
Ben, quizais
como toda a liberdade é parcial, ela deberá ser,
tamén, negociación de límites.
O que dis ti de todo iso, Bernabé?
Ben, eu
entendo que, ao pensar na liberdade de unha persoa ou da sociedade
actual, estamos usando o modelo clásico de dominación.
Moi poucos renunciarían ás ordes do capital.
“É a dialectica hegeliana, señor/esclavo”.
Sempre houbo
medo de perder o emprego. É un facto inconstentabel. No entanto,
ese temor viña valizado por outros valores partillados
socialmente como a contestación. Ser do contra xa foi unha
distinción. Criticar o autoritarismo, non aceitar un horizonte
de opresión, pelexar por participación nas
decisións e buscar colectivamente mellores condicións de
traballo; eses qüestionamentos eran, ou quizais aínda
sexan, actitudes tan importantes como manter o posto de traballo.
Moitos perdían a súa función, mas caían de
pé e levaban o senso de moral cumprido para outro lugar para o
cal arrastaba seu senso peculiar de revolta. Eles non eran vistos como derrotados.
Meus mestres
e heroes contestadores, Esa actitude humanística e comunitaria,
ao contrario do que se convencionou chamar de utopía,
podía gañar o nome de heterotopía. En vez de
querer para este intre o melhor dos mundos posibles, moitas veces, pode
tratarse de tornar o mundo o mellor posibel; a partir de seus espazos
de contradición interna. O traballo, ás veces, ten todo
para deshumanizar. Porén, tamén pode ser forte axente
organizador da vida. Pode ser o mellor ou o peor da existencia dos
individuos.
-Se nós, os xovens de hoxe, herdamos un mundo que se permite ser
terreo de eterna disputa en nome do tirano, con a confirmación
gozosa do pracer en ser esclavo (o esclavo se humaniza ao ollar o
señor. Por iso é preciso que o señor exista para
que súa vida teña sentido). Así sendo, algunha
cousa fallou na traxectoria do noso mundo. Os soños de liberdade
non poden dar con os burros n´auga da opresión.
É preciso localizar onde faliu o anelo da política
utópica para xerar esa distopía (a utopía
ás avesas) que todos habitamos e que dese xeito foi
deixada para nós: fillos e netos...
Quizais, o
maior erro non estexa na concepción das utopías algunhas delas xustas, democráticas e igualitárias. Porén, no abandono das heterotopías; perdeuse xunto cos
soños revolucionarios a determinación en mellorar o mundo
no cotián, aquilo que foi chamado de “revolucións
moleculares”. Se a bandeira de uns tempos atrás era
exclusivamente o socialismo ou barbarie, hoxe, sabemos ben quen anda
vencendo ese xogo: a tiranía, a barbarie afluente, deshumana, preconceituosa e excludente.
As utopías non morreron,
elas son o alicerce da boa política, porén non se bastan
como horizonte de posibilidades, por máis ben estructuradas e
belas que sexan. Mellorar o mundo non prescinde apenas das grandes
accións, dende que poida deixar a hipocresía da revolta
de fóra. Nesta hora de ser do contra é operar no campo do
posibel. O imposibel pode ser viabel, pero, demora un pouco máis
para chegar.
Meu xoven Solobreña,
algúns filósofos din que a política para o ser
humano non é unha opción, é un destino. Ela
decorre da nosa sociabilidade. A política e o dereito estruturan
e organizan o Estado, que expresa na súa concepción
democrática os sentimentos e desexos da sociedade, moitas veces
ambíguos, confusos e difusos.
No convivio
con as persoas, manifestamos as nosas dimensións máis
posibilitadoras e altruístas: a escoita, o ollar amoroso,
o diálogo, a cooperación, a solidariedade, os traballos
de construcción da paz, o perdón, o amor o coidado coa
natureza e coas persoas máis vulnerabeis. Pero, é nese
convívio que tamén revelamos os nosos sentimentos e
accións máis obscuras, pois, historicamente, emerxen nas
máis variadas e perversas formas de violencia, iniqüidade,
impostura, opresión e tiranía.
Quizais e por
iso, Aristóteles dixo que o home é un animal
político e, sendo político tamén poderá ser
inxusto. Os exercícios do dereito e deberes da cidadanía,
diríamos hoxe da nacionalidade: é parte constitutiva
intrínseca da súa humanidade. “Un home que por
súa natureza, e non por mero accidente non fixese parte de unha
cidade (sociedade) sería desprecibel ou estaría acima da
humanidade (...) pois, unha cidade pertence aos cidadáns en
comun”.
Santo Tomas de
Aquino, nunha linguaxe máis amplia, máis fiel ao
universalismo cristán, afirmaba que a persoa humana é un
Ser social. A tradición aristotélico-tomista* conceitua a
política como sendo a arte e a virtude de promover a xusticia e
o ben comun. Outros mestres da ciencia e da filosofía
políticas son menos esperanzosos e poñen nos espazos
máis nebulosos os conflictos e o poder disputado polos
politicos; moitas veces, fóra dos parámetros morais,
éticos e do interés público.
*(Tomista, Relativo a Tomás de Aquino)
De Maquiavel a
Carl Schmitt, pasando mesmo polo “desencantamento” da
política, do dereito de Max Webber e pola loita de clases
marxistas, como eixo e motor da historia. O pensamento e a
acción política tamén disociaran na modernidade,
polo menos en boa medida, dos grandes temas da ética e da
xusticia presentes nos clásicos antigos. Non obstante, a
defasaxe entre teoría e practica ven dende a
Antigüidade.
Péricles, autor da
“Oración aos mortos”, consideraba esa antoloxía a maior e máis sublime de todas. El non era
nenhun líder espiritual e vivía con determinación
os máis duros embates das disputas políticas e da guerra.
Alexandre, o Grande, non seguía á risca as grandes
leccións de seu mestre Aristóteles. Xa case
contemporáneo da era cristán, Julio César non
titubeaba en colocar os seus extraordinarios talentos militares,
políticos e intelectuais a servizo de seus proxectos persoais e
de expansión, pola forza do Império Romano.
Séculos
despois, entre 700 e 800 d.C e axindo en nome do príncipe da
paz, o lexendario Carlos Magno facía o seu biógrafo
escribir:
“A
historia política con seus conflictos sucesorios e súas
loitas polo poder, dá a impresión de un tempo en que se
ouve continuamente o ruído das armas”.
A
política, en fin, reflete a vida e a sociedade, daquel momento,
con seus dramas e conquistas. Os estadistas refleten a síntese
de seus pobos, épocas e culturas. Do poder monárquico
autocrático ás democracias contemporáneas,
os procedimentos políticos ten moito ampliado os espazos
da liberdade, dos dereitos humanos e da participación
efectiva popular.
Por iso, meu
xoven Solobreña, lembrando os ensinamentos de todos eses
pensadores e filósofos; fagamos primeiro en nós o cambio
que cobramos nos outros. A reconciliación, política,
cidadanía e a democracia se materializan en nosos xestos e nosas
accións diante das persoas e da sociedade en que vivimos.
Así mesmo, lémbrese sempre: Nunca poderá haber
reconciliación e democracia duradoura sin a participación
efectiva do pobo.
Froilán, xa que
estás a falar de pensadores, filósofos e da
reconciliación política, lembreime da ironía dos
personaxes da traxedia de Séneca: Atreo e Tiestes.
Sí,
Bernabé. Pero, o que ten a ver a reconciliación con esa
tal de traxedia?
Claro, ten
todo a ver co perdón de uns españois para con os outros,
como irmáns que somos e fillos de unha mesma Patria. Eu vou
intentar che citar apenas unha parte desa reconciliación;
da traxedia de Séneca no reencontro de irmáns:
... Respóndelle Tiestes
Atreo. Conténtome en ver o meu irmán. Devólveme esas
apertas desexadas. Todo canto houbo de enfado, creo que xa teña
pasado. Dende este día, reverenciemos as leis da sange e da
piedade, que fiquen apagados os condenaveis odios de nosas almas.
Tiestes. Eu
podería xustificar todos os meus actos si non te mostrases tal.
Pero, confeso-o, Atreo, o confeso: fixen todo aquilo que creiches de
min. A piedade fraterna que me demostras hoxe, fixo pésima a
miña causa: é perfectamente culpabel. Abogarei con
miñas bágoas. És o primeiro en me ver suplicante.
Implóranche estas máns que non tocaron a ninguén
os xoenllos. Renuncia a todo odio e elimina da alma o tímido
despeito. Acepta en reféns da miña fé, oh!
Irmán meu! a eses inocentes.
Atreo. Neste reino caben dous e poden caber máis.
Tiestes. Eu
creo que tamén sexa meu, todo o que sexa teu, irmán.
Atreo. Non consentes ó teu irmán que adquira unha gloria insigne?
Tiestes. Xa a
gozas colmada; queda a miña: teño o firme
propósito de rexeitar o reino.
Atreo. E eu
deixarei a miña si non admites a túa parte. Celebremos,
irmán, en fraternal concordia ese día de festa. Esa
alegría é quen consolidará o meu cetro e me
dará unha fé inquebrantabel na certeza da nosa paz.
Tiestes. Que
alborozo é ese que conmove miñas entrañas? O que
tremeu aí dentro? Sinto un peso insuportabel, e o meu peito xeme
con un xemido que non é meu. Vinde irmáns e fillos!
Eu e vosa Patria, infelices, chamámosvos! Veñan, ó
que vos vexamos desaparecerá a nosa dor... !
Atreo. ...
Recibe a eses moi desexados, fillos e irmáns. Que eles non che
sexan estorbo; gózate con eles; bícaos e divide as tuas
apertas...