Pere Xil non podía nin imaxinar que unha certa decisión tomada na
última hora lle traería tantos problemas. El solo se plantexara que
lle facía falta deixar un furaco de corredor entre as paredes da súa
cova. Nembargante, nunca non pensara que traspasaría o nivel de limpeza
habitual e sería a tirar a cotra que durante xeraciois os sous antergos
foran deixando alí acumulada, e deso xa había séculos.
Herdara aquel cubil había namais dez anos
como se fosen cinco meses na
vida dos humanos, e dedicárase a acuriosalo porque outramente non ía
poder vivir nel. Era unha cuestión de vida ou morte: ou a porquería ou
el. Recordaba con tristura o sou primeiro lar, aquel precioso cubil que
uns humanos porcallois lle encheran de porquería... Non, Pere Xil non
soportaba a cotra, por mui pequena que fose.
Tamén é posible que non soubese o que facer durante aquelos días de
verao cuando os campesíos estaban todos nas súas xeiras máis duras,
na eira, a suaren baixo o sol aburante. Daquela non podía dedicarse á
súa actividade favorita: as falcatruadas. Por eso, pensou que seique
lle convía máis desengueirar a cova, porque non remembraba telo feito
nos vinte últimos anos.
Fose como fose, Pere Xil traballou duro naquel labor de limpeza.
Dedicoulle máis de dúas semanas nas que foi sacando trastes e máis
trastes muitos delos nin sabia que eran, deica que atopou aquelo.
Resultou que «aquelo» non parecía nada de interesante ao
primeiro, un cacharro máis que iría para o lixo como os demais. Mais
non o tirou, senón que quedou a miralo porque lle atrouxo a súa color
vermella tan forte e resplandecente.
Despois de muito examinalo, decidiu consultar unha enciclopedia para
trasnos a fin de ver que era aquel obxecto rubio. Ao cabo averiguou que
se trataba dun fouzo. Un fouzo... e para que lle valiría a el? Por mui
vermello e cintilante que fose, non lle valía para cousa. Agarrouno e
tirouno xunto cun xogo de xugos do tempo dos romanos, un esqueleto
completo de elefante e mais un can de pedra que xacuando estivera nunha
catedral gótica.
O trasno Pere pensara que máis lle valía deixar espacio baleiro
desfacéndose de cousas inútiles, porque algún día habería legar aos
sous netos obxectos interesantes, e polo de agora non tía onde os
guardar.
Cuando rematou o sou traballo, deixou todos os trebellos inútiles na
traseira da súa cova a formar unha escombreira, á beira dun camín.
Así, pasase quen pasase, podería levar calquera cousa das que alí
había, se é que lle valía para algo. |