BVG     Atrás    Índice de Páxinas

[p. 81] ALBOREAR

Fuxíu a noite, x' alboreóu; disperta nena, meu doce amor. Xa 'n os teus vidros aluma o sol, íspete, roxa, sale por Dios.      D' a campá d' a irexa soa a badalada e d' os paxariños óese a piada, [p. 82] Sale, garrida, sale, meu ben, abr' a ventana, deixate ver. Anqu' a luz d' o día comenz' a lucir, ainda falta algo porque faltas tí.      Leda-l-as auras marmullan xa entr' a follada d' o carballal. Chea d' encantos ven a mañá, alma d' a-y-alma ¿non sairás?      Mais pulida nena non a ten a vila, qu' os seus coloriños as rosas invidian; e 'n a sua boca, fresco cravel, as abelliñas toman o mel. Os seus negros ollos [p. 83] ¡vállame San Xan! tal fogo reparten que morto me tran.      Sal, miña xoya, sale por Dios, vex' a tua cara, morra dispois. Lóitase o ceo, nubras' o sol, se tí non sales, meu doce amor.

© 2006 Biblioteca Virtual Galega