BVG Atrás Índice de Páxinas |
Cousas d'a aldea |
||
A sega |
m5aurelianopereiracousasdaaldea031.html
[p. 109]
A SEGA
ESCENA CORAL ESCRITA PARA EL ORFEÓN GALLEGO,
Y PUESTA EN MÚSICA POR EL EMINENTE MAESTRO
D. JUAN MONTES (1)
(El sonido, apenas perceptible de las voces, imita el amanecer.)
Miguel!
¿Qué hay?
O sol.
¿E bén?
Erguerse.
Vóu.
¿Y os mais?
Tamén.
1. La música de esta composición fué premiada en el certamen musical de Ia Coruña, por el Jurado residente en París y presidido por Laurent de Rillé.
[p. 110]
(Aire de alborada.)
Aquí me tés.
Aquí estóu xa.
Ninguén faltóu.
Vamos alá.
Salve, salve, lumiño d' o día
D' o labrego espranza y-amor;
A tua luz que 'n as chousas aluma
À mai terra lle infunde calor.
'Nestos campos a luz y-alegría
C' os teus rayos sementas ¡ou Sol!
E d'os probes escravos d' a terra
Eres tí, eres tí o proteutor.
Estes campiños dourados,
Estes sucos tan sequiños,
Estas espigas tan cheas
Sobr' os canos tan erguidos,
Son d' o labreg' o contento
E son o pan d' os seus fillos,
O sudor d' o seu traballo,
Renta son d'o señorío.
Cand' o ceo s' escurece
'Nas tardiñas de San Xoán
E auga e pedra xuntamente
Sobr' os campos récia cai,
Y-as ovellas fuxen todas
Espantadas d' o troar.
¡Ay probiño Xan paisano
Teu traballo pr' onde vai!
Terra, terriña,
¡'Qu' ánsias nos dás!
Mozos, segade
Nenas, atai.
Ei, dalle, dalle:
Ei, non parar:
[p. 111]
Trint' atadullos
Xuntamos xá.
O sol xa 'n ó alto
A hora nos dá;
Rapaces e nenas
Espera o xantar
. . . . . . . . . . . . . . . . .
. . . . . . . . . . . . . . . . .
Ala, mociños,
Rapazas, ei
Osos de punta
Qu' hora xa é.
Dádelle presto,
Dádelle bén:
Ala, mociños,
Rapazas, ei.
As señoritas d' a vila,
As d' a cintura xentil,
Atando d' éstas manadas
As quixera ver eiquí.
Os mociños d' a ciudade,
Os que viven de pasear,
Non se deran tan boa vida
Si tiveran que segar.
Rapaciñas d' a ciudade,
Si tiverais que segar,
Os coores que lucides
Haberías de cambear.
Mais che valen os coores,
Miña nena, que dá-o sol,
Qu' os mexuxes que 'n a vila
S' as madamas son o amor.
Terra, terriña,
¡Qu' ánsias nos das!
Mozos, segade,
Nenas, atai.
[p. 112]
¡Ay, Xán, cómo folguexas
E casi sudas xá!
As forzas che s' acaban
E quéroch' axudar.
Rapaza, non t' achegues,
Marica, fait' alá,
Que teño á fouz de punta
E pódest' espetar.
¡Xesú! cóm' estás fero.
Non sei que che picóu;
É o sangue que quizabes
Che ferve co' a calor.
Rapaza, ere-l-o diaño
E quéresm' atentar;
Así xogas c'o lume
E teste que queimar.
Drento d' un pouco
Todo acabóu,
Qu' a tarde váise
Y-o sol se pón.
Trás d' a montaña
S' escondéu xá;
Siñor d' o día,
Hastra mañá.
Sin tí d' o probe
Qué fora xá.
Cando tí faltas
¡Qu' escuridá!
Os teus calores
Dánnos o pan;
Bendito seas
D' os probes pai
Hastra mañá,
Adios, meu sol,
Miña espranza,
Adios, adios.
© 2006 Biblioteca Virtual Galega |