BVG     Atrás    Índice de Páxinas

[p. 135] * *    *

Non veu, non veu d' o Norte; n' é fada feiticeira que vive en bosque escuro, como nos dí o poeta. Non son seus ollos verdes, nin d' ouro son as trenzas, nin fría a sua risada cal de xentil sirena. Non veu, non veu d' o Norte: gallarda e falangueira, à amora ben madura seus ollos asemellan, e 'n éles ard' o lume d' as mais doces promesas: [p. 136] negriñas com' a noite son as rizadas trenzas, y-os beizos, rubios, frescos, atraen às abellas: mais leda é sua risada qu' o ceyo en primaveira, y-o mimo d' a sua fala, loumiñadora, tenra, seduce á quen a escoita y-às almas encadéa. Mais ¡Dios! que cal d' o Norte à fada feiticeira que vive en bosque escuro, como nos dí o poeta, o curazón Ile falta. Meu ben ¡quén ó dixera, vendo brilar teus ollos c' o lume d' as promesas!

© 2006 Biblioteca Virtual Galega