[p. 109]
A VIRXEN DE MONDIL
Dios te salve Eva sin mancha
d' o mundo corredentora,
d' o sol de xusticia aurora,
tesouro d' encantos mil,
fror qu' estes campos alegras,
crara fonte cristalina:
salve, princesa divina,
Santa Virxen de Mondil.
Dios te salve, Sara hermosa,
nai d' este pobo cristiano,
sol hermoso e soberano,
d' o ceo adorno xentil,
lindo caravel cheiroso
de corola pelegrina
que garda esencia divina,
Santa Virxen de Mondil.
[p. 110]
Salve, Xudit poderosa,
nova Raquel agraceada,
d' o ceo porta sagrada,
torre erguida de marfil,
astro de prácedo brilo
crara estrela matutina:
Salve, princesa divina,
Santa Virxen de Mondil.
|