BVG     Atrás    Índice de Páxinas

[p. 123]            ALBORADA      Esperta, meu ben querido, miña xoya, abr' os ollos que x' o sol pol-os outeiros vai tendend' o manto d' ouro. Com' esmeraldas xigantes brilan os altos picoutos, prata líqueda os regatos sobr' o seu leito de croyos arrastran, pra que de espello podia servir o teu rostro. Antr' os frondosos carballos fan os páxaros un coro pra cantar a tua belleza, sol sorprendente y-hermoso. As frores d' o seu prefume xa esparexen o tesouro [p. 124] D' os teus beizos encarnados o caravel oloroso abre, meu ben, meu feitizo, que cho pido de xinollos. Deixa o leito, queridiña, deixa xa ese doce sono, dame, sol d' o curazon, a crara luz d' os meus ollos.

© 2006 Biblioteca Virtual Galega