BVG Atrás Índice de Páxinas |
Versos primos |
||
Páxina 26 |
Epílogo
CACO FÓNICO
HIMNO DA CÁNTIGA
Inzan o aire como estralos de alegría
as nosas cántigas na brétema da vida.
Por iso
canta comigo,
xuntas as mans e os corazóns,
para que o mundo
volva ser o paraíso.
Son os momentos que lles roubas á ledicia
anxos escuros de flamíxera xustiza.
Por iso
canta comigo,
xuntas as mans e os corazóns,
para que o mundo
volva ser o paraíso.
E cando collas o camiño dos luceiros
cántigas túas repenicarán no vento.
Por iso
canta comigo,
xuntas as mans e os corazóns,
para que o mundo
volva ser o paraíso.
© 2006 Biblioteca Virtual Galega |