v1xggsurrealismo013c.html
11 de octubre: apertura do Bureau
de recherches surréalistes, no número 15 da rúa de Grenelle.
17 de outubro: os primeiros exemplares do Manifesto do
surrealismo chegan a París. 1 de decembro, La
révolution surrealiste nº 1, directores, Pierre Naville e
Benjamin Péret., revista na que se glorifica ao anarquista
Germaine Breton, que acababa de asasinar ao xornalista de extrema
dereita Marius Plateau. Homenaxe colectiva a Pierre Reverdy.
Morren Franz Kafka e V.I. Lenin. Nace Mimi Parent. O deputado
socialista Matteotti é asasinado polos fascistas italianos.
Francia recoñece á URSS. Aragon: Une Vague de rêves.
Robert Desnos: Deuil par deuil. André Breton: Les
Pas perdus.
1925.- Ahesión do Grupo da rue du Château: Jacques e Pierre
Prévert, Marcel Duhamel, Yves Tanguy. Entra Pierre Unik. Vaise
afastando Philippe Soupault. 15 de abril, comunicados ao Papa e
ao Dalai Lama, cartas aos rectores das universidades europeas,
ás escolas do Buda e aos médicos directores dos asilos de
loucos en La revolutión surréalista nº 3. Neste mesmo
número aparece o seguinte texto de Antonin Artaud, quen
escribira os anteriores, a non ser a carta aos médicos
directores de asilos, que uns lle apoñen a Robert Desnos e
outros a Theodore Fraenkel, compañeiro de estudos de Breton e
membro do grupo até 1928:
Á MESA
Abandonade as cavernas do ser. Vide. O espírito sopra
procedente do espírito. É tempo de abandonar as vosas
cousas. Cede ao pensamento integral. O Maravilloso está
na raíz do espírito, no interior da cabeza. Ideas,
lóxica, orde, Verdade (con V maiúscula), Razón, todo
isto entregámolo á nada da morte. Coidado coas vosas
lóxicas, señores, coidado coas vosas lóxicas: non
sabedes até onde pode levarnos o noso odio á lóxica.
A vida, na súa fisonomía chamada real, só se deixa
fixar mediante un afastamento da vida, mediante un
suspenso imposto ao espírito; mais a realidade non está
aquí. Non hai, xa que logo, que vir a nos amolar en
espírito a nós, que miramos a eternidade surreal, a
nós que xa non nos consideramos do presente e somos
fronte a nós propios como as nosas sombras reais.
O que nos xulga non naceu para o espírito, a aquel
espírito a que nos referimos e que, para nós, esta
fóra do que vós chamades espírito. Non hai que chamar
moito a nosa atención ás cadeas que nos unen á
imbecilidade petrificante do espírito. Nos puxemos as
mans sobre unha nova besta. Os ceos responden á nosa
actitude de insensato absurdo. O hábito que tendes de
dar de costas ás preguntas non impedirá que os ceos se
abran, o día estabelecido, e que unha nova linguaxe se
instale en medio das vosas necias contratacións,
queremos dicir: das contratacións necias do voso
pensamento.
Hai signos no Pensamento. A nosa actitude de absurdo e de
morte é a da mellor receptividade. A través das
rachadelas duna realidade en adiante impraticábel, fala
un mundo voluntariamente sibilino.
|
2 de xullo, incidentes no banquete
de homenaxe a Saint Pol Roux na Closerie des Lilas que acaba coa
intervención da policía e a detención de diversos
surrealistas. Lettre ouverte à M. Paul Claudel,
octavilla. Enquisa: "¿É o suicidio unha solución?".
15 de xullo: André Breton toma a dirección de La
Révolution surréaliste. Agosto, o manifesto ¡A
revolución de inicio e sempre! é asinado por 28
surrealistas así como por membros de Clarté e Philosophies.
7 de outubro, asemblea xeral con intencións dun reagrupamento
dos signatarios de ¡A revolución de inicio e sempre!;
eleción dun comité directorial. 30 de outubro, o comité só
reúne surrealistas e clarteístas. Decembro, afundimento Clarté:
"Clarté desaparece La Guerre civil
sucédelle". Comeza a Guerra do Rif. Primeira exposición
surrealista en París. René Crevel: Mon corps et moi.
S.M. Eisenstein: O acoirazado Pontemkin.
1926.-Marzo-abril, fracasa o proxecto de publicación de La
guerre civil, boicoteada polo Partido comunista. 20 de
marzo, apertura da Galerie surréaliste na rúa Jacques Callot.
30 de setembro, Breton garda distancias co Partido Comunista no
folleto Lexítima defensa, en reposta a La
Révolution et les Intellectuels. Que peuvent faire les
surréalistes?, de Pierre Naville, xa membro do Partido
Comunista. 4 de outubro, Breton encontra a Nadja. 23 de novembre,
asemblea xeral no café Le Prophète, marcha de Antonin Artaud,
dimisión de Philippe Soupault. 24 de decembro, despois dunha
reunión, oito surrealistas, entre eles Aragon, Breton, e Eluard,
se propoñen entrar no partido, onde se reunirán con Péret, xa
militante. Jacques Baron, Robert Desnos, Malkine, Max Morise e
Roland Tual, rexeitan. Aragon. Le Paysan de Paris;
Éluard: Capital de la douleur; Crevel. La mort
difficile. Desnos: C'est les bottes de sept lieux cette
phrase: je me vois
DESTINO
ARBITRARIO
A
Georges Malkine
Eis
vir o tempo das cruzadas.
Pola
fiestra fechada os paxaros obstínanse en falar
como
peixes de acuario.
Xunto
o escaparate dunha tenda
unha
bonita muller sorrí.
Felicidade
só es lacre
e
eu paso como un fogo fatuo.
Un
grande número de gardas persiguen
unha
inofensiva bolboreta escapada do asilo.
Convértese
baixo as miñas mans pantalon de encaixe
e
a túa carne de aguia
¡oh
meu soño cando te acaricio!
Mañá
enterrarase gratuitamente
non
se enfriarán máis
falaran
a linguaxe das flores
iluminaranse
de luces descoñecidas até hoxe.
Mais
hoxe é hoxe
Sinto
que o meu comezo está próximo
semellante
aos trigos de xuño.
Xendarmes
poñédeme as alxemas.
As
estátuas viran sen obedeceren.
No
seu zócalo inscribirei inxurias e o nome
do
meu peor inimigo.
Alá
abaixo no oceano
Entre
dúas augas
Un
belo corpo de muller
Fai
recuar os tiburóns
Soben
á superficie a se miraren no ar
e
non ousan morder nos seos
nos
seos deliciosos.
|
México clausura as igrexas. Antonio Gramsci, líder comunista
italiano e deputado, é encarcerado. Búster Keaton: O
maquinista da General.
1927.- Xaneiro-marzo: enviado a unha célula de empregados da
compañía de gas, Breton só aguanta un trimestre a vida de
militante comunista. 21 de marzo, internamento de Nadja. Maio: Au
grand jour, asinado por Aragon, Breton, Éluard, Péret e
Unik, comprende cinco cartas abertas (a Paul Nougé e Camille
Goemans -surrealistas belgas-; a Marcel Fourrier, un dos
directivos da revista Clarté; aos surrealistas non
comunistas, a Pierre Naville; aos comunistas).
A
plena luz
A actividade surrealista acaba de atravesar unha crise
que debe chegar ao seu fin. Ao non haber ningún tipo de
manifestación exterior desta actividade, os equívocos,
as interpretacións tendenciosas, as conclusións
apresuradas eran inevitábeis. Se achamos que chegou o
momento de denuncialas, é porque a súa variedade e o
conxunto de argumentos que se nos opoñen é tal que nos
bastará con lles faceren fronte para facer obxectiva a
nosa verdadeira situación non faltará quen encontre
nova da nosa parte esta preocupación polo que dirán. É
coñecernos mal. Sempre fixemos un deber o
caracterizarmos o máis claramente posíbel, e a cada
momento, a nosa actitude moral. Máis unha vez trátase
disto e só disto. En van tratarase de descobrir nos
textos que e seguen a expresión de preocupacións
poéticas ou políticas, segundo o tipo de interese que
teñamos por cada unha. Non trataremos aquí estas
preocupacións. Se reunimos estas cartas é, por unha
parte, porque vemos unha vantaxe no feito que os seus
destinatarios piodan confrontalas. Por outra, é doado
comprender que alén destes destinatarios ocasionais dos
que temos diversas opinións, consideramos, máis que as
súas persoas, as teses xerais que estas sustentan. Desta
maneira, a publicación deste informe ten por obxecto
pór as pezas do proceso en mans de quen se interesen no
fundamento moral das nosas accións.
En nome dun certo principio de honestidade que achamos
debe colocarse antes que calquer outro, en novembro de
1926 rompimos con dous dos nosos vellos colaboradores:
Artaud, Soupault. A notábel falta de rigor que
aportaban, e o evidente contrasenso que implica, no que
concerce a cada un deles, a prosecución isolada
da estúpida aventura literaria, o
abuso de confianza do que en certa medida cada un deles
é responsábel, foran tolerados por nós durante
demasiado tempo. Terminamos con isto en pouco tempo. Co
segundo por medio deste interminábel arrodeo, co
primeiro... no momento en que para cada un de nós era
importante condicionar, condicionar verdadeiramente a
acción surrealista, cunha toma de consciencia unánime
do seu obxectivo revolucionario, e para isto asignar a
esta acción os límites exactos que ela implica,
límites que, revolucionariamente falando, non son
imaxinarios senón reais, tuvimos que enfrontar
unicamente estas dúas defeccións.
[...]
Agora que estamos de abondo seguros uns doutros para non
ter que ersperarmos mais aquí queremos dar conta duna
primeira tentativa de recoñecemento levada a cabo por
cinco de nós.
[...]
Sen ningún dogmatismo, e tratando só de tomar as
palabras polo que din, a favor do que permiten pensar
varias cartas datadas o mesmo día, esperamos dar a
medida dos nosos esforzos actuais, facer aprezar o que
nos custa un esforzo de adecuación, que nos custou
elaborar, facer recoñecer esta vontade que se nos
coñece e que nada está próximo a abater.
[...]
Aos comunistas
Camaradas,
no interior dun partido revolucionario e até que a
situación non sexa insurrecional, non existen boas
razóns para privar a ninguén do dereito de crítica,
dentro dos límites en que este poida exercerse
validamente. Polo que respecta os asinantes destas
liñas, non está demostrado en absoluto que carezan, a
propósito de calquer cuestión que sexa, de lucidez; por
pouco que se lles queira recoñecer -e non é pedir
moito- certo valor e certa fe, cada un deles, non doutro
modo que cada un de vós, representa unha forza que non
é desprezábel e que só espera, para se facer sentir,
que o seu punto de aplicación se determine con algún
rigor. ¿De que serve nos obrigar a intervir
prematuramente en cuestións que até agora non foron da
nosa competencia, mais das que non desconfiamos por
completo que cheguen a selo? Debates puramente
económicos, discusións que requeren un coñecemento
profundo da metodoloxía política e cando menos algunha
experiencia da vida sindical, son cousas das que non nos
desinteresamos por completo, mais para as que non estamos
totalmente preparados, como non sexa polo que respecta ao
recoñecemento formal da súa importancia e da súa
absoluta necesidade revolucionaria. Pola contra, estamos
chamados, achamos, a xulgar sen vacilacións ou
debilidades todo aquilo que de lonxe ou de perto se
refera á verdade moral que o noso partido defende, só
no mundo, e saberá impór...
Mais tamén queremos dicir canto doloroso resulta que a
organización do Partido comunista en Francia non lle
consinta utilizarmos nun ámbito no que nos sexa
realmente posíbel facernos útiles, e que a noso
propósito non se tomara outra decisión que a de nos
sinalarmos, un pouco en todas partes, como sospeitosos.
De aí unha campaña en contra nosa, até o de agora a
penas insinuada, mais que non espera para se facer mais
violenta que unha manifestación calquer da nosa presenza
no seo do partido. É de sobra sabido que, noutros
terrnos, nós sempre aceptamos a batalla. Aquela a que se
nos quere obrigar, tida en conta a imposibilidade de
considerar os comunistas como adversarios, non podemos
refusala.
Neste caso, esperaremos con desagrado días mellores nos
que a revolución recoñecerá os seus.
Louis
Aragon, André Breton, Paul Éluard, Benjamin Péret,
Pierre Unik.
|
Ruptura con Roger Vitrac e Pierre Naville. Artaud, excluido do
movemento, publica La grande Nuit ou le bluff surréaliste,
verdadeira resposta surrealista á confusión dos
surrealistas entre surrealismo e revolución.
A
PLENA ESCURIDADE, OU O BLUFF SURREALISTA
Que me botasen os surrealistas ou que eu mesmo me saíra
dos seus grotescos simulacros, esa non é a cuestión
desde hai moito tempo. Foi porque estaba canso duna
mascarada que durara demasiado que me retirei, convencido
polo demais que os surrealistas, no novo marco que
escolleran, como en calquer outro, non farían nada, e o
tempo e mais os feitos non deixaron de darme a razón.
Que o surrealismo se concerte coa Revolución ou que a
Revolución deba facerse por fóra e por cima da aventura
surrealista, un se pregunta que pode importarlle iso ao
mundo se se lembra a pouca influencia que os surrealistas
lograron adquirir nos costumes e as ideas destes tempos.
Polo demais, é que aínda existe unha aventura
surrealista e é que o surrealismo non morreu a partir do
día en que Breton e os seus adeptos acharon deberen
adherirse ao comunismo e procuraren no terreno dos feitos
e da materia inmediatra a realización duna acción que
normalmente non podía desenvolverse máis que nos marcos
íntimos do cérebro.
Eles pensan poderen permitirse burlarse de min cando falo
de metamorfose das condicións interiores da alma, como
se entendese a alma no senso infecto que eles a entenden
e como se do punto de vista do absoluto fóra de menor
interese que a armadura social do mundo se vise cambiar
das mans da burguesía ao proletariado.
Se os surrealistas realmente intentasen conseguiren iso,
cando menos poderían ser excusados. O seu propósito
sería trivial e restrinxido, mais, en fin, existiría.
Mais, ¿acaso teñen a menor finalidade cara á cal
iniciar unha acción?, ¿e cando lles petou formular
unha?
¿Acaso sempre se traballa un cunha finalidade?
¿Traballa un con mobéis? ¿Achan os surrealistas
poderen xustificar a súa expectativa polo simple feito
da consciencia que dela teñen? A expectativa non é un
estado de ánimo. Cando non se fai nada, non se corre o
risco de romperse a crisma. Mais non é unha razón
suficiente para facer falar de si.
Desprezo demasiado a vida para pensar que un cambio
calquer que se desenvolvese no marco das aparencias
pudiese cambiarlle algunha cousa á miña detestábel
condición. O que me separa dos surrealistas é que eles
aman a vida tanto como eu a desprezo. O centro das súas
obsesións é gozaren en todas as ocasións e por todos
os poros. Mais, ¿acaso o ascetismo non é parte da
verdadeira maxia, até da máis porca, até da máis
negra? Mesmo o gozador diabólico ten o seu lado
ascético, certo espírito de maceración.
[...]
Para min o surrealismo non foi mais que un novo tipo de
máxia. A imaxinación, o soño, toda a intensa
liberación do inconsciente que ten como finalidade facer
aflorar á superficie da alma o que por costume ten
agachado, debe necesariamente introducir profundas
transformacións na escala das aparencias, no valor de
significación e o sibilismo do creado. O conxunto do
concreto cambia de hábito, de casca, xa non se aplica
aos mesmos xestos mentais. O alén e o invisíbel
rexeitan a realidade, o mundo xa non resiste.
É entón que se pode empezar a acribillar as fantasmas,
a deter as falsas aparencias.
[...]
Canto a adiantar unha simple actitude moral, ¿pódese
crer que poida chegar, se esa actitude está marcada pola
inercia? O interior do surrealismo condúceo até a
Revolución. Ese é o feito positivo. A única
conclusión eficaz posíbel (din) e á que un grande
número de surrealistas se negaron á adherirse; e aos
outros, esa adhesión ao surrealismo, ¿que lles deu?,¿a
que lles fixo renunciar? Non lles fixo avanzar un só
paso. [...]
O surrealismo morreu do sectarismo imbécil dos seus
adeptos. O que queda é unha especie de montón híbrido
ao que os propios surrealistas son incapaces de lle pór
un nome. Perpetuamente nos lindeiros das aparencias,
incapaz de sentar praza na vida, o surrealismo aínda
está a buscar o seu termo, pisoteando as súas propias
pegadas. Impotente para escoller, para determinarse ben
sexa totalmente pola mentira, ben sexa totalmente pola
verdade (verdadeira mentira do espiritual ilusorio, falsa
verdade do real inmediato mais destrutíbel), o
surrealismo persegue ese insondábel, ese indefiníbel
intersticio da realidade en que apoiar a súa panca
outrora potente, hoxe caída en mans de castrados. Mais
as miñas coñecidas debilidade mental e covardía
néganse a ver o menor interese en trastornos que non
afectarían máis que ese lado exterior. A min paréceme
que a metamorfose exterior é algo que só pode darse de
por si. O plano social, o plano material cara ao que os
surrealistas dirixen as súas pobres veleidades de
acción, os seus odios para sempre virtuais, non é para
min máis que unha representación inútil e tácita.
Eu sei que no debate actual teño canda min a todos os
homes libres, a todos os revolucionarios verdadeiros que
pensan que a liberdade individual é moi superior a
calquer conquista nun plano relativo.
[...] |